مكتملة الفرعون المصري | السلسة الخامسة | ـ ثمانية اجزاء 5/12/2023

[Eslam Sawed]

أمتي الجديد

 

[darkangile]

اخيرا يا فرعون عاش من شافك يانجم

 

[⭐ الفرعون ⭐]

مفيش جزء جديد كدا يا فرعون ، مونيكا بنت الكااااالب وحشانى

و وحشتني انا كمان 😂😂

متقلقش كمان يومين تلاته كده

 

[⭐ الفرعون ⭐]

اخيرا يا فرعون عاش من شافك يانجم

حبيبي يا غالي ❤️❤️

 

[العقرب وحسب]

لو لقيته بقى 😂😅

هههههههههههه لاقيته مخطوف فى الجيش

 

[Eslam Sawed]

عظمه أمتي الجديد متتاخرش فيه

 

[Elnamr]

احا انت ياعم كمل يتبع ايه انا مصدقت ان الفرعون رجع ليهم يلعن ميتين شكلك ياعم كمل يخربيت فصلانك يجدع 🙂

 

[Elnamr]

بس عاش جزء فشيخ وبصراحه مش عارف اتوقع حاجة في الجزء ده انت بقيت تتعمق جامد في الغموض حرام عليك يجدع😂❤️

 

[⭐ الفرعون ⭐]

عظمه أمتي الجديد متتاخرش فيه

تسلم ياكبير
وبعدين سيبني اتهنى بالجزء ده لسه نازل 😅😂

 

[⭐ الفرعون ⭐]

بس عاش جزء فشيخ وبصراحه مش عارف اتوقع حاجة في الجزء ده انت بقيت تتعمق جامد في الغموض حرام عليك يجدع😂❤️

ولسه اللي جاي اكتر 😅😅

 

[Eslam Jobba]

عاوزين الباقي ي عم الحاج فرعون😂😂

 

[rafefq]

واووووو تحفة

 

[⭐ الفرعون ⭐]

عاوزين الباقي ي عم الحاج فرعون😂😂

من عيوني ، بس لو تعرف تجبلي اجازة اسبوع كمان اكون شاكر جدا 😂😂😂

 

[⭐ الفرعون ⭐]

واووووو تحفة

شكرا ❤️❤️❤️

 

[BASM17 اسطورة القصص]

تم أضافة الجزء الثالث

 

[العقرب وحسب]

جزء جامد متتأخرش عنا بقى في الجديد يا فرعون

 

[العقرب وحسب]

هو ينفع ياعم كل مره تحتفى ادور عليك في كل العوالم الفرعيه وان مختفى

 

[darkangile]

ياعم انا هبطل تخمين واسيب الناس تاكل عيش بس انتا واحشنى و**** يا فرعون ومستنى التكمله على نار عشان انتا دماغك الماظ

 

[عبر سبيل]

➤السابقة

اهلا بكم في الفرعون المصري السلسله الخامسة​

ملحوظة ، لازم تقرأ الشخصيات والعوالم قبل ما تقرأ الاحداث

====================================================================================================
عوالم وشخصيات الرواية

عالم ٦٠٨ ... هو عالم الفرعون واللي احداث السلاسل اللي فاتت بتقع فيه

شخصيات العالم ده

وليد الشاذلي .. الملقب بالفرعون ووريث اراغون ملك البشر الاول

مي .. ام وليد والملقبه بالساحرة القرمزيه

نور .. اخت وليد الكبيره وحائكة تعويذات

سلمى .. اخت وليد التانيه والملقبة بالعنقاء الناريه

سمر .. مرات خال وليد واللي ربته وبتمتلك قوة ريفين بسبب الخاتم اللي الفرعون إداه ليها

شروق .. اخت مي وكانت جاسوسه تبع قسم ألفا في الماضي .. وهي ام غاده ويمنى

غاده .. حبيبة الفرعون التانيه وبتمتلك قوة سكاي بسبب الخاتم اللي الفرعون إداه ليها




فرقة الفرعون

مونيكا .. حبيبة الفرعون الاولى واقوى محاربة في حصن ڤيلن

تشارلي .. من اقوى المحاربين في العالم وبيمتلك قوة التحول للشبح

تيريون .. من اذكى الاشخاص في العالم وبيمتلك قوة المسافرين الاوائل وهي التنقل من غير بوابات

كيرا .. كانت في مدرسة النقطة السودا وانضمت لفرقة الفرعون ومن اقوى الهاكرز في العالم

احمد .. صديق الفرعون وبيمتلك مهارة تصلب الجسد

مستر بنجامين سنو .. قائد حصن ڤيلن

فاير .. قائد ثاني في الحصن وقائد الفرق العسكرية بحصن ڤيلن

الفهد .. المنافس الرئيسي للفرعون ومن اقوى المحاربين في العالم

الساحر يو .. من السحره الزرق

الساحر ايرين .. من السحره الزرق




قسم المخابرات ألفا

اللواء خيري مشهور .. قائد قسم ألفا للمخابرات المصرية

مياده .. من اهم الظباط في القسم وانضمت لفرقة الفرعون

سيد .. قائد تاني في قسم ألفا




مملكة ڤالينور

عزيز .. حاكم المملكة في غياب الفرعون

استيلا .. اميرة المملكه وانضمت لفرقة الفرعون

بياتريكس ..من اقوى المحاربين في المملكه وانضمت لفرقة الفرعون

ناريس .. مديرة مدرسة ألفيا للسحر

سيلفا .. مدرب القتالات في المدرسه وابو سكاي اللي مات

سكاي .. من اقوى المحاربين في المملكه وقتل في مهمة مفاتيح سجن الوحوش ... وروحه في خاتم غاده

ريفين .. من اقوى المحاربين في المملكه وقتل في مهمة مفاتيح سجن الوحوش ... وروحه في خاتم سمر




.. شخصيات مهمه في القصه ..

أراغون .. ملك البشر الاول ومن اقوى الملوك في كل العوالم

رع .. اللي اعاد بناء مصر بعد حرب الدمار الاولى

انوبيس .. ملك العالم السفلي اللي عمله الملك اراغون

فارازون .. ملك العالم رقم ٦٠٧ واللي عرف الفرعون على مجلس حكم العوالم





...شخصيات جديدة في القصة ...

عالم السحر والمعروف بإسم هيرا

الملك روي .. حاكم عالم السحر

كاي .. صانع العوالم وملك العالم رقم صفر

ميرفولك .. قائد المسافرين الاوائل

سولي .. حفيد ميرفولك ، واللي كان بيظهر لتيريون

ليلي .. قائدة فرقة ذا ويند

..عالم القوة والمعروف باسم أديري..

ذا بلاك ون .. ملك عالم القوة وسيد الكون

بوسايدن .. قائد العالم المائي وقائد اسطول الحرب

ليشي .. سيدة الغزوات وقاتلة العوالم

هايدس .. ملك عالم الجحيم


==================================================================================================

ملخص الاجزاء اللي فاتت



وقفنا في السلسلة الرابعة لما فارازون ظهر للفرعون في عالم الاحلام وعرفه كل حاجه هو يعرفها عن عالم الظلام والملك بيغاسوس .. وده كان من اسباب انتصار الفرعون على بيغاسوس وطرده من مملكة ڤالينور .. وبعدها الفرعون راح لفارازون علشان يعرفه بمجلس حكم العوالم .. وعرف بعد كده ان بيغاسوس كان عاوز يحتل العالم بتاع الفرعون علشان العالم ده موجود فيه سر مكان سجن الوحوش .. والسر ده كان محفوظ بداخل كتب اراغون ملك البشر الاول .. وهنا الفرعون خد فرقته الاصليه ورجع في الزمن وجاب الكتب دي .. وعرف من الكتب ان كاي او الملقب بصانع العوالم .. بنى سجن للوحوش وعمل ليه ٧ مفاتيح ، وخفى المفاتيح دي في عوالم مختلفه .. وهنا الفرعون عمل خطة كبيرة وقسم فرقته علشان يجيبوا المفاتيح دي قبل بيغاسوس .. وفعلا وصلوا للمفاتيح ولكن بيغاسوس كان ليه جاسوس في وسطهم ، واثناء الرحلة بتعتهم قتل فيها يارين الساحر الازرق وكذلك سكاي وريفين .. وبعد رجوعهم بالمفاتيح عملوا خطة للحرب العظمى ، وعملوا اجتماع حرب موسع للعوالم الموازيه كلها ، وفعلا حرب النهاية قامت ومات فيها ملوك وجيوش كتيره ، واتبقى الفرعون وفرقته وبعض الملوك وقصادهم بيغاسوس ومساعده فولدمورت ، ولكن الفرعون استعمل مفتاح التحكم في العقول وقدر يحرر بيغاسوس من الديمنتور اللي كان متحكم في جسمه ، ولكن الديمنتور قدر يخدع الفرعون وعمل تعويذة موت على مونيكا وخد المفاتيح كلها وراح لسجن الوحوش ، وهنا الفرعون فقد السيطره على نفسه وظهر كيان تاني متحكم فيه ، واثناء الكلام ده ظهرت روح الفرعون داخل عالم الاحلام وظهر ليه الملك اراغون وعرفه ازاي يرجع لجسمه ولكن من خلال تضحيه لازم يعملها المختار بنفسه ، وهنا الفرعون رجع لجسمه وشاف الديمنتور بيفتح سجن الوحوش ، والوحوش اتحررت وهتدمر العوالم كلها ، وهنا الفرعون عمل ختم اوريكالكوس واختفى هو وكل الوحوش من العالم كله


==================================================================================================



الجزء الاول / الاجنحة المكسورة



في مكان غريب يشبه السفن الحربية ، يعم الهدوء والتوتر الاجواء ، وتعلو اصوات الانفاس في اضطراب ، ويقطع الصمت شخص ملثم يقذف حجر من احجار القوة في الهواء ويكرر الحركة مره اخرى ومره اخرى وهكذا ، ويجلس امامه في قلق شخص يعتقد انه قائد اسطول السفن

شخص ( بتوتر ) : انت بتلعب بالحجر كده ليه ، انت مش عارف الحجر ده بيعمل ايه

الملثم بهدوء : يعني لو انا مش عارف القيمة بتعته ، كنت جيت هنا برجلي ، وعرضت نفسي للموت .. فكر في اللي بتقوله يا بوسي

الشخص بانفعال : ايه بوسي دي ، شوف انت بتكلم مين
( ولسه هيقف ، ولكن الملثم مسك الحجر وده ادالة قدرة انه يتحكم في الشخص اللي قدامه ورزعه على الكرسي بتاعه )

الملثم : ايه مش عجباك بوسي دي ، خلاص متزعلش

الشخص بغضب : انت عايز ايه تاني ، مش خدت اللي انت عاوزه

الملثم بطمع : قصدك على الحجر ده

الشخص : اه قصدي على الحجر ده ، انت مش عارف فيه كام مليون واحد مات قبلك بسببه

الملثم : لا طبعا عارف ، وعارف كمان انه السبب في تحديد شكل العالم كله دلوقتي ، ولا ايه يا بوسايدن

بوسايدن بصدمه : انت عرفت منين الكلام ده

الملثم : مش مهم انا عرفت منين ، المهم انا هعمل ايه بالحجر ده

بوسايدن بلهفه : هتعمل ايه

الملثم بشر : هوحد العالم من تاني

بوسايدن بضحكه عاليه : كان غيرك اشطر ، هو محدش حكالك وانت صغير كام واحد فكر في كده

الملثم : كتير ، كتير اوي كمان

بوسايدن : اومال عايز تعمل كده ليه وانت عارف اخرتها

الملثم بشر : علشان انا مش هعمل كده لوحدي

بوسايدن بقلق : اومال هتعمل كده مع مين

الملثم : لازم اسطورة المحارب الاعظم تتكرر تاني

بوسايدن برعب : ااانت ، ااانت عرفت الكلام ده منين

الملثم بشر : مش مهم منين ، بس المهم انك الاول فيهم ، ( وبيظهر عليه هالة نار وظلام مرعبة )

بوسايدن برعب : انت ميييين

... واثناء الحوار اللي بينهم كانت فيه واحده بتتصنت عليهم ، واول ماشافت الملثم بيتحول للهيئة المرعبه دي خافت ورجعت لورا خطوه ، ولكن وهي بترجع وقعت رمح كان متعلق وعمل صوت ، وهنا بوسايدن والملثم بصوا عليها ، والملثم اول ماشافها رجع لطبيعته تاني ، وبوسايدن خد الفرصه واختفى من قدامه ...

البنت برعب : اااانت ، اانت ازاي كنت قاعد قدامه كده

الملثم : مش وقت كلام هنا ، يلا بينا قبل مايرجع ومعاه الهيلهاوند ، انت جيتي ازاي هنا صحيح

البنت : سولي اللي جابني هنا

الملثم : والزفت ده راح فين

البنت : بيراقب المكان بره

الملثم : طب تعالي معايا بسرعه ، يلا يا ليلي بسرعه ( ليلي يا عزيزي مش ليلى فيه فرق في النطق )

.. وفعلا الملثم خد ليلي وراح يدور على سولي ، واتفاجئ ان فيه جنود بيحاولوا يقتلوا سولي ولكن مش عارفين علشان سولي عنده قدرة الانتقال من مكان لتاني بسرعه رهيبة ، وسولي اكنه كان بيلعب معاهم ، يعني بيختفي ويظهر ورا جندي منهم والجنود التانيه بيفتحوا النار عليه ودى بيأدي لموت الجندي ده ...

الملثم ( من بعيد ) : هو بيلعب معاهم ، انتو مش عارفين احنا فين

ليلي : لا عارفين ، انت بقى ايه اللي جابك هنا

الملثم : قولتلك مش وقته
... وها الملثم بيمسك حجر دارتز كان معاه قبل كده ( احجار دارتز عباره عن احجار سحرية ، بتساعد اللي ماسكها في صنع تعويذات جبارة ، والاحجار دي نادرة جدا )

الملثم بلغة السحر : ڤيجا

.. واول ماقال كده طلع من الارض سلاسل نار سحبت كل جنود بوسايدن وفعصتهم ، وفي اللحظة دي سولي اختفى وظهر عندهم ..

سولي : انت عملت كده ازاي

ليلي : انت جبت الحجر ده منين ، ده مفيش غير ملوك العالم بتعنا اللي معاهم احجار الدارتز بس

الملثم : هعرفكم بعدين ، يلا بينا بس قبل ما بوسايدن يرجع

ليلي : رجعنا يا سولي بسرعه

.. وهنا سولي مسك ايديهم وبيحاول ينقلهم بس معرفش ..

سولي بخوف : انا مش عارف اتنقل

ليلي بصدمه : ازاي

الملثم بقلق : كده بوسايدن رجع

ليلي وسولي برعب : وهنعمل ايه
.. وهما بيتكلموا ظهر في ساحة السفينة بوسايدن ومعاه الهيلهاوند ( عبارة عن كلب الجحيم ، مانع السحر ، صائد المسافرين الاوائل ، قائد الوايلد هانت )

بوسايدن : قولتلك الحجر اللي اخدته هيرجع بس بموتك

الملثم بهدوء : انت فاكر الكلب اللي معاك ده هيوقفنا ، تبقى عبيط

بوسايدن : انت اللي مغفل ، الهيلهاوند وظيفته الوحيده اللي معمول علشانها هي حماية الملوك التلاتة ، وانت هددت واحد فيهم ، يبقى كده لعبت في عمرك

ليلي : هنعمل ايه ، ( وسولي مسك ايديها وخايف جدا )

الملثم : هنحارب طبعا
.. وهنا الملثم مسك ليلي وسولي وجري على بوسايدن ، والناحية التانية الهيلهاوند جري عليهم والارض بتولع من تحته ،وهنا سولي وليلي صوتوا جامد

ليلي : انت بتعمل اييييييييه
.. ولكن مره واحده الملثم بيفتح بوابة انتقال من العدم وبيدخل فيها هو وليلي وسولي وبيقفلها بسرعه ، وبوسايدن واقف مزهول من اللي حصل ..









في فيلا مي .. بعد مرور سنتين من احداث معركة سجن الوحوش

داخل غرفة سمر ، كان السكوت بيعم الجو ولكن سمر كانت قاعدة بتعيط ، ولكن قطع الصمت ده ظهور الفرعون ليها من تاني

سمر بلهفة : ولييد ، انت رجعت ياحبيبي ( وخدته بالحضن )

وليد : انا اسف يا سمورتي ، انا اسف علشان بقالي فترة مجتش ليك

سمر : متتأسف ياحبيبي ، محدش بيتأسف لأمه ، وحشتني ياروحي قوي

وليد : وانتي اكتر ياسمر ، بس انتي قاعدة بتعيطي ليه

سمر : علشان انت وحشتني وكنت عاوزة اشوفك ، وبعدين تعبت خالص من اللعبة اللي عاملينها عليهم دي

وليد : معلش يا حبيبتي هي فترة وهتعدي

سمر : يعني هترجع لحياتك تاني ياحبيبي

وليد : مقدرش اوعدك يا أمي ، مقدرش اعرضكم للموت من تاني

سمر : يابني ماتقولي ايه اللي انت بتحاربه ، ماممكن نقف معاك ونخلصك منه

وليد : متشليش همي ياسمر ، هي فترة وهتعدي ، وذي مقولتلك لو عايزة تشوفيني قولي لتيريون بس وهو هيوصلي بسهوله

سمر : يعني انا مش عارفه انت مش عاوز تقولهم ليه انك لسه عايش ، ما انت معرفني انا وتيريون اهو

وليد : انا عرفتك علشان انتي امي وكل حاجه ليا ومكنش ينفع اخبي عليكي ، ولكن تيريون عرف بالصدفة

سمر : بالصدفة ازاي

وليد : كان بيحاول يوصلي في مره لما بوابات العوالم الموازية اتفتحت تاني ، وعلشان انا وهو مربوطين بالرباط المقدس قدر يوصلي

سمر : ماشي يا وليد ، اديني ماشيه وراك لحد مشوف اخرتها معاك

وليد : اخرتها اني هرجعلكوا من تاني ، استأذنك انا بقى علشان محدش يحس بحاجه ، واه بقولك بصحيح

سمر : ايه يا حبيبي

وليد : ابقى انزلي اتدربي معاهم شوية ، انا مش عايزك تكوني ضعيفة او لوحدك ابدا

سمر : حاضر ياحبيبي

وليد : اشوف وشك بخير ، سلام








في حصن الفرعون

بيظهر الفرعون في ساحة التدريب وبيلاقي الكل موجود في الساحة

نور : ها عملت ايه

تيريون : طب استني لما مي ترجعني لشكلي من تاني

مي باللغة الرونية القديمة : تا روندا روووم
..وهنا تيريون بيرجع لشكله الطبيعي تاني ..


تيريون : انت اللي هتعمل كده المره الجاية ، انا مكنتش هستحمل العياط بتعها وكنت هعترف بكل حاجه

تشارلي : خلاص ياد ميبقاش قلبك ضعيف كده

تيريون : يعم انا قلبي كان هيقف وهي بتقولي مش هترجع تاني ياوليد

نور : معلش يا تيريون هي فترة وتعدي

تيريون : ياستي اسكتي ، ام الكلمه بتعتك دي لزقت في لساني وكل شوية اقولها

سلمى بضحك : تصدق كلمة بتنرفز فعلا

نور : بقى كده يا سلمى ، طب ايه رأيك ان هيكون ما بينا قتال النهارده

سلمى : وليه النهارده ، دلوقتي لو تحبي

مي : بس انتي وهي ، معلش ياتيريون

تيريون : لا متتأسفيش ، احنا كلنا وفقنا على كده ، حد فاكر وفقنا ليه

غاده : علشان سمر كانت هتنتحر لو مشفتش وليد قدامها

تيريون ( بيهمس لتشارلي ): هي مونيكا فين

تشارلي : هتكون فين يعني ، في الدور x

تيريون بقلق : هي لسه هناك ، ده الفرعون بنفسه مقدرش يقعد فيه اكتر من ساعتين

تشارلي : اهي بقالها كام ساعه ومش عاوزه تطلع








في قبو احد البنوك في الصين

احمد : بسرعة يازفته ، بسرعه

كيرا : يعم اهدى شوية ، محدش يعرف اللي احنا هنا

احمد : بقى على اخر الزمن اسمع كلامك واسرق

كيرا : ماتنشف شوية يلا ، مش انت اللي قولت عايز اعمل مغامرة جديدة

احمد : وهي دي المغامرة في تفكيرك ، يرحمك يافرعون ، ده لو عرف باللي احنا بنعمله ده هيصحى من الموت

كيرا بحزن : ياريت يا احمد ، ياريت اشوفه تاني

احمد : يادي المصيبة ، انا كان لازم افكرك بيه يعني ، انا اسف يستي ، اخلصي بقى علشان هنتمسك

.. وفي الناحية التانية من الطرقة كانت فيه دورية بتمر على الخزنة ، وكانوا في طريقهم لاحمد وكيرا ..

احمد : يخربيتك يا احمد ، وقعت ومحدش سما عليك

كيرا : ايه فيه ايه

احمد : الحكومة كبست علينا ، يلا نهرب بسرعه

كيرا : طب ايه رأيك بقى انا مش متحركة من هنا غير وانا فاتحة الخزنة دي ( وقعدت تكتب اكواد على اللاب بتاعها قدام باب الخزنة )

.. وهنا الدورية قربت منهم جامد ، ومن خوف احمد ، مسك باب الخزنة وهبد برجلة جامد فكسر القفل الكبير ، وهنا الدورية سمعت الصوت وجريت عليهم ، واحمد شال كيرا على ضهره وجري هو كمان ، وفضل يعدي من الجدران لحد مطلع من البنك ..

احمد : يخربيتك كنتي هتودينا في داهية و ادينا طلعنا من غير ولا حاجه

كيرا : ومين اللي قال كده ( وبتمسك الماسة كوهينور )

احمد بصدمة : ختيها امتى دي

كيرا : عيب عليك ، هو انت طالع مع لص مبتدأ ولا ايه

.. ولكن وهما بيتكلموا سمعوا صفرات الانذار ، وشافوا طيارة هيلكوبتر بتنور عليهم ، وعربيات الشرطة محصراهم من كل حته ..

احمد : عجبك كدا ادينا اتمسكنا

كيرا بابتسامه : مين اللي قال كده

ومره واحده بترمي قنبلة دخان ، بتغطى المنطقة كلها ، وبتفتح بوابة انتقال وبيدخلوا فيها بسرعة










قسم ألفا .. المخابرات العامة

خيري : بس الكلام ده مينفعش نسكت عليه

شروق : ياخيري اسمعنا ، طالما حصن ڤيلن شال ايده من الموضوع ده يبقى مستحيل بإمكانياتنا دي نقدر نسيطر على الوضع

ميادة : شروق عندها حق يا مستر خيري

خيري بغضب : طب انا عايز افهم ازاي بنجامين سنو يسكت على الموضوع ده

مياده : وتفتكر انهم ليهم نفس يعملوا اي حاجه من بعد موت الفرعون ، ده كان القائد والملك اللي الحصن كله اتعمل علشان يعمل واحد زيه

خيري : بس الفرعون مكنش يحب ان الحصن الكبير يقف يتفرج على العالم كده والرؤساء بيعلنو الحرب على بعض

شروق : بقولك ايه خلينا نفكر في بديل احسن

ميادة : وتفتكري مين هيكون بديل حصن ڤيلن

شروق : حصن الفرعون طبعا

خيري : ويعني هما مش تبع ڤيلن برضه ولا انا غلطان

شروق : على حسب علمي ، الفرقة مرجعتش حصن ڤيلن من ساعة اللي حصل

خيري : ومين المسؤول عليهم

شروق : اعتقد الفهد

خيري : خلاص حضريلي معاد معاهم وانا هكلمهم بنفسي










حصن ڤيلن

بيظهر الحصن الكبير ، وبيعم الاكتئاب الاجواء ، والكل عنده حالة لا مبالاة

فاير : هي دي اخر المستجدات يا مستر سنو

سنو : طب اتفضل انت يافاير

فاير : طب وهنعمل ايه في الدول اللي اعلنت الحرب على بعضها دي

سنو بيتعصب : قولتلك روح انت يافاير ، اطلع برررررره

.. وفعلا فاير بيخرج وراسه في الارض ، وبيقابل الفهد وهو خارج ..

فاير : ايه اللي جابك هنا ، مش انتو اتخليتوا عنا في اصعب وقت كنا محتاجينكوا فيه

الفهد : للأسف هتفضل طول عمرك بتفكر غلط

فاير : بفكر غلط في ايه ، غلطت في ايه انا يعني علشان تتخلوا عننا ، غلطنا في ايه احنا علشان تدونا ضهركم ، قولي يا فهد ، قولي ياقائد

الفهد ( بدموع مستتره ): وانت كنت مفكر اننا هنقدر نرجع تاني والفرعون مش معانا ( وهنا الدموع ملت عينه ) كنت مفكر اننا هنرفع راسنا ونبص في عنيكو ، لا يافاير ، انت غلطان ، زي ما حنا كلنا غلطانين ، ودم الفرعون لحد النهارده مش عارفين ناخده

فاير : هناخده من مين ، الفرعون هو اللي ضحى بنفسه ، فوقوا من اوهامكوا بقى ، ادخل للقائد جوه على أمل انك تفوقه ، العالم بيولع واحنا ولا في دماغنا ( وبيسيبه ويمشي ، والفهد بيدخل لسنو )

سنو : عايز ايه يافهد

الفهد : عاوزين نرجع لعقلنا تاني ، عاوزين نلحق الدنيا قبل ما الحرب تقوم

سنو (بيتجاهل كلامه ): انت شوفت البلورة دي قبل كده

الفهد بيجاريه : انت بتقول ايه

سنو : البلورة دي كانت في مقبرة الملك اراغون

الفهد باندهاش : ولقتها ازاي

سنو : مش مهم ازاي ، المهم انها لسه وصلالي من كام يوم

الفهد : وبتعمل بيها ايه

سنو : بالبلورة دي ممكن نلاقي الفرعون من تاني

الفهد : ازاي

سنو : انت فاكر لما ربطت الفرعون بمونيكا وتيريون وتشارلي عن طريق الرباط المقدس

الفهد : ودي حاجه تتنسي ، طبعا فاكر

سنو : هنا بقى انا عايز تيريون او تشارلي علشان اخد ددمم منه ونضيفه للبلورة ونقدر نحدد مكان الفرعون

.. الفهد مستناش وعمل بوابه ودخل فيها وجاب تيريون وتشارلي من قفاهم ، وجرح تيريون من دراعه وخد الدم واداه لسنو ، و سنو خد الدم وعمل سحر عليه وضافه للبلورة ..

الفهد : ها وبعدين

سنو : هنستنى لحد ما الدم يتجمع في نقطة ويحددلنا مكانه في العالم

تشارلي : بس الفرعون لما اختفى مكنش في نطاق العالم ده

سنو : وعلشان كده البلورة دي كان بيستخدمها الملك اراغون

تيريون باندهاش : الملك اراغون

سنو : ايوا ، الملك اراغون كان بيستعملها علشان يحدد مكان الملوك والوحوش في كل العوالم الموازية

تيريون : طب والتعويذة بطيئة كده ليه

تشارلي : عليا الطلاق لو هتقعد سنه منا متحرك من مكاني ، اخيرا هنلاقيك ياخويا








مملكة ڤالينور

.. بيظهر حاكم المملكة اللورد عزيز ، ومعاه الملكة استيلا ، وهما بيلفوا حوالين المملكة بعد ما اعادوا بناءها بعد حرب الدمار اللي حصلت فيها ..

استيلا : تفتكر ياعزيز الناس ممكن تنسى اللي حصلهم

عزيز : احب اقولك بخبرتي اللي اكتسبتها خلال القرون الطويلة اللي عشتها ، ان الناس مش بتنسى ابدا الظلم او القتل اللي اتعرضوله ، وده احسن حاجه ممكن تحصلهم

استيلا : ازاي يعني ، ده المفروض ان النسيان شئ مفيد وبيريح العقل والبال

عزيز : لو الواحد نسي سبب موت حد قريب منه وعزيز عليه قوي ، تفتكري انه ممكن يعمل حسابه ان اللي عمل كده ممكن يرجع تاني ويقتله هو شخصيا

استيلا : لا ، طالما نسي فأكيد مش هيعمل حسابه

عزيز : وعلشان كده النسيان مش حاجه حلوه في الموضوع ده بالاخص ، شايفه بياتريكس لسه بتدرب ازاي بعد كل الوقت ده ( وبيشاور على بياتريكس وهي بتدرب في ساحة المدينة )

استيلا : تصدق انا متدربتش من زمان ، انا هروح اتدرب معاها شوية

.. وهنا استيلا بتتحول لهيئة ملكة النور وبتطير لساحة التدريب ، واول ما بياتريكس بتشوفها بتعمل برق زي الرصاص وبتفضل تضربها ، ولكن استيلا عملت درع من النور ، وزودت النور جامد لدرجة ان بيا غمضت عنيها ، وهنا استيلا عملت كور نار ورمتها على بيا ، ولكن بيا فتحت عنيها بسرعه واتشقلبت لورا والكور نزلت على الارض فحمتها ..


استيلا : ماشية كويس في التدريبات

بيا : انتي شايفه اي

استيلا : لا انا شايفة تطور كبير

بيا : انا بس محبتش اعورك يا ملكه










عند ليلي وسولي والشخص الملثم

..بيظهروا داخل احد الغرف من بعد هروبهم من بوسايدن ، وهنا ليلي وسولي بيطلبوا منه يفهمهم عمل كده ازاي ..

ليلي : ما انا مش همشي من هنا غير لما اعرف عملت كده ازاي

سولي : اذا كنت انا اللي هو حفيد قائد المسافرين معرفتش انقلنا ، تقوم انت فاتح بوابه وتنقلنا بالسهولة دي ، اعترف عملت كده ازاي بدل ما اقول لجدي حالا

الملثم : عايز تبلغ عني يا سولي ، مش انت اللي عمال تقول طول الوقت انك صاحبي

سولي : لا دي حاجه ودي حاجه تاني

الملثم : خلاص انا مش متكلم غير لما تقولي انا مين ، وازاي انت كنت تعرفني قبل كده

سولي بتوتر : ما انا قولتلك مينفعش حد مننا يقولك انت مين ، لازم تعرف بنفسك علشان قوتك الحقيقية تظهر

الملثم : خلاص شوف بقى مين اللي هيقولك انا فتحت بوابة ازاي

ليلي ( بتحط سكينة على صدره ) : اعترف ياد بدل ما اوديك بنفسي للملك روي

الملثم : كده يا ليلي ، كده يا حبيبتي تعملي فيا كده

ليلي بيصعب عليها : خلاص ، بس هتحكي كل حاجه

الملثم : حاضر ، روح انت بقى يا سولي علشان الليل دخل علينا وعايزين ننام

سولي : انت مفكرني عيل علشان تضحك عليا ، فوق يابا وشوف انت بتكلم مين

الملثم : انت عندك كام سنه ياد علشان تتكلم كده

سولي : ١٢ سنه يا صاحبي

الملثم : وكمان ١٢ ، طب بقولك ايه روح هات لنا شاي ام حسن وابقى تعالى

سولي : خلاص ماشي ، هات فلوس

الملثم : بقى حفيد قائد المسافرين بيقول ليا انا هات فلوس

سولي : متكترش في الكلام ، هات فلوس اخلص ( فابيديله وبيمشي )

ليلي : انا مش عارفه انتو ايه قط وفار

الملثم : تعالي معايا يا ليلي وانا هحكيلك كل حاجه انا عارفها

.. وبياخدها وبيطلع على سطح المبنى ، وبنشوف العالم اللي هما عايشين فيه ، عباره عن مدينة كبيره جدا ، والمباني فيها شبه ناطحات السحاب بتاعت المستقبل ، والعربيات بتطير فيها ، وفيه شمسين منورين العالم كله ، ولكن بيشوه المنظر ده جدار كبير معمول من الظلام في وسط الفضاء ، فاصل عالمين عن بعض ..


ليلي : احكي بقى يا سيدي

الملثم : اولا اللي اعرفه ان اسمي .....









حصن ڤيلن

بعد مرور ساعات على التعويذة ، الدم بيتجمع في نقطة واحده وبينور باللون الاحمر ، الكل كان نايم وقتها ، ولكن تيريون بيصحى بكابوس ، وبيشوف النقطة الحمرا داخل البلورة

تيريون بفزع : اصحووووووا ، الفرعون عايش

تشارلي بفرحه : الفرعون عايش ، الفرعون عايش

سنو : استنوا بس ، فيه حاجه غلط

تشارلي : ايه الغلط بالظبط

سنو : النقطة دي المفروض متكونش هنا

تيريون : هو هنا ايه اصلا .....










حصن الفرعون

.. بيظهر تيريون داخل الدور x ، وبيجري على مونيكا اللي الدم كان بينزل من كل حته في جسمها ..

مونيكا بنظرة شر : امشي من هنا يا تيريون

تيريون بتوتر : احنا حددنا مكان الفرعون

.. وهنا مونيكا بتدخل في حالة هياج وبتعمل سهم ناري عملاق وبتضربه وبتدمر الدور كله ..

مونيكا بعصبية : قولي مكانه حالا

تيريون : ما هو ده الحاجه الغلط ، المفروض المكان اللي هو فيه ده مش موجود اصلا

مونيكا بصدمه : ليه ، هو فين

تيريون : في العالم رقم .......





====================================================================================================

وحشتوني اوووووووي ، وعارف ان السلسله اتأخرت بس مش بأيدي ، ادعو للجيش بقى 😅

توقعاتكم كالعاده

مين هو الشخص الملثم 😅😅

وايه هو المكان اللي فيه الفرعون

وهل هيكون فيه حروب تاني ولا خلاص

... ملحوظة ، معلش الاجزاء هتتأخر في التنزيل يعني كل جزء ممكن يكون كل ٣ اسابيع وده مش بأيدي تاني ...

سلاااااااااااااااام من الفرعون

===================================================================================================

الجزء الثاني / ذكريــــات مضــت


في مكان مدمر يشبه ساحة حرب سابقة ، يجتمع اكثر الملوك قوة في الكون ، وكان اول من حضر منهم هو بوسايدن ( ملك الاسطول الحربي لجيش عالم القوة واقوى اسطول في الكون )

وجاء بعده هايدس ( هو ملك عالم الجحيم وثاني اقوى ملك في عالم القوة )

بوسايدن : واو ، اول مره تيجي في معادك مظبوط
هايدس : مكنش ينفع اتأخر ، خصوصا بعد الرسالة الخطيره اللي بعتها لينا ، هو اللي انت بعته ده فعلا حصل
بوسايدن : حصل واكتر مما تتخيل
هايدس : احنا غلطنا زمان لما سبناهم
بوسايدن : هو كان في ايدينا حاجه نعملها ومعملنهاش
هايدس بضحكة شر : لا من ناحية عملنا ، فاحنا عملنا كتييير

وبيقطع كلامهم صرخة مدويه قادمة من السماء السوداء

بوسايدن : يخربيت صرختها ، اديها حضرت
هايدس : مكنتش اتوقع انها تيجي ، بعد كل السنين دي
بوسايدن : طبعا لازم تيجي ، الاجتماع اللي احنا هنعمله ده ممكن يؤدي لرجوع الحرب مع كوكب هيرا من تاني ، ودي لما بتصدق

وبتنزل من وسط السحاب الاسود في هيئة نيزك محترق ، وبتضرب الارض من تحتها ، وبتقف ليشي وبتروح ليهم ( ليشي هي سيدة الغزوات في عالم القوة ، وبتمتلك ثالث اقوى احجار الكوارتز للقوة )

بوسايدن بضحكة : لازم تعملي قلق كل مره بتيجي فيها ، متيجي على طول ، مش لازم استعراض القوة ده
ليشي بابتسامه : بقالنا كتير فشخ متقبلناش يا بوسي
هايدس ( وقع على الارض من الضحك ) : هههه ، ايه بوسي دي ، ملك اقوى اسطول بحري في الكون بقى اسمه بوسي
بوسايدن بغضب : انت عرفتي منين الاسم ده
ليشي : هو انت فاكرني نايمه على وداني ، ( وبتتمشى حوالين بوسايدن ) انا عارفه كل حاجه بتحصل وهتحصل في الكون كله
هايدس بيقاطعها : طب طالما ليكي عنين في كل حته كده ، معرفتيش ازاي انهم هيهاجموا بوسي وياخدوا الحجر منه
بوسايدن بيشخرلهم : خخخخخخخ ، هو فيه ايه منك ليها ، طب عليا الطلاق لو سمعت حد بيقول الاسم ده تاني لهقتله بنفسي
هايدس بجدية : انت بتشخر ليا انا وبيطلع رمحه ( عباره عن رمح وليه شفرتين )
بوسايدن : بقى كده طيب ، وبيطلع رمح ترايدنت ( رمح بثلاث شفرات ومن اقوى الاسلحة الحربية في الكون )
ليشي : هي جت عليا انا طيب ، وبتطلع رأس ميدوسا

وكل واحد فيهم بياخد وضع الهجوم ، ولسه هيبدأو طحن في بعض ، ولكن بيسمعوا صوت اشبة بالموت قادما من السماء .. ومره واحده بينزل في وسطهم دخان اسود في هيئة اعصار مدمر ، بيطيرهم عن بعض ، ولكنهم اتعدلوا بسرعه وانحنوا ليه

التلاته : احنا اسفين يا جلالة الملك
ذا بلاك كينج : بعد كل السنييييين دي وبرضوا لسه مش طايقين بعض ، يخساره
بوسايدن : ما هما اللي غلطوا فيا
هايدس : انا مغلتطش فيك ، ليشي اللي غلطت
ليشي : ما هو السبب ، حتة عيل خلاك زي الشرموطة وخد منك كرامتك
ذا بلاك ون بغضب : باااااس ، مش عايز اسمع صوت حد فيكم ، وانت يا زفت مين اللي عمل فيك كده
بوسايدن : معرفوش ، انا اول مره اشوف الشخص ده
ذا بلاك ون : ازاي متعرفوش ، حاول تقنعني ان فيه واحد ظهر من العدم وسرق حجر الديميترا منك من غير ميعرفك ( حجر ديميترا هو تاني اقوى احجار القوة في الكون )
بوسايدن : ايوا زي مقولت لجلالتك كده ، انا اول مره اشوفه ، ومعرفش ازاي اصلا قدر يقف قدامي ، انا كنت ساعتها عامل حقل طاقة حواليا كان ممكن يقتل الملك روي ذات نفسه ( الملك روي هو ملك عالم السحر )
ذا بلاك ون : يعني انت بتقولي ان فيه شخص عايش في الكون بتاعي اقوى من الملك روي ، طب ازاي ، وانتي نايمه على ودانك ولا ايه
ليشي : لا يا جلالة الملك ، الشخص اللي بيقول عليه بوسايدن ده مجاش من اي مكان في الكون اللي تحت سيطرتنا
هايدس : يبقى مفيش غير مكان واحد بس
ذا بلاك ون بتشاؤم : عالم هيرا







في عالم هيرا ، او عالم السحر

ليلي : احكي بقى يا سيدي ، كلي أذان صاغيه
الملثم : ماشي هحكيلك كل حاجه ( وبيشيل الغطا من على وشه ، وبيظهر لينا الفرعون )

( انا شكلي فقدت القدرة اني اضحك عليكم ولا ايه 😅 ، بس برافوا عليكو كلكو ، واوعدكم المره الجايه محدش هيعرف يجيب اللغز 😅😅 )

الفرعون : بصي يا ستي ، كل اللي انا فكره هو

فلاش باك ، قبل سنتين

بيظهر الفرعون من العدم في وسط ساحة للتدريب ، وكان فيه بعض من الشباب والبنات والمحاربين بيتدربوا سوا ، واول ما شافوا الفرعون مرمي على الارض والدم مغطيه ، جريوا عليه على طول ، وكانت ليلي في مقدمتهم

شاب ١ : مين ده
بنت ١ : انا اول مره اشوفه
شاب ( قاعد بعيد ولا يكترث ) : اكيد ده الشاب الجديد اللي قال عليه المدير امبارح
ليلي : وانت عرفت منين ياعم لوكي
لوكي : بصي على الجروح اللي في جسمه وانتي تعرفي ، ده اكيد لسه ناجح في اختبار العالم بتاعه
ليلي : طب ابعدوا شويه خليني اعمل عليه تعويذة استشفاء
لوكي : سبيه يموت احسن ، ده اكيد شخص ضعيف علشان يقعد الفترة دي كلها من غير ما يخلص اختبار العالم بتاعه
ليلي : قولتلك اسكت ، وعملت التعويذة
ليلي بلغة سحرية : فرونن
وهنا الفرعون صرخ جامد والجروح بتعته بقت تنزف اكتر
ليلي بصدمه : ازاي ، ازاي التعويذة مشتغلتش عليه
لوكي وقف باندهاش : اممم ، ده شكلها احلوة اوي
ليلي : ساعدوني بسرعه ننقله لجناح الاستشفاء
وفعلا خدوه على الجناح


بعد عدة ايام في جناح الاستشفاء
بيفوق الفرعون وبيفتح عينه ، وبيلاقي نفسه على سرير داخل غرفة مقفوله عليه ، فبينزل من على السرير وبيفتح الباب ، ولكن الباب بيتفتح على عالم مظلم وبيسمع صرخات ناس بتموت ، وبيشوف دخان اسود طاير في السما وبيشفط الارواح كلها ، وشاف من ناحيه تانيه سيدة الغزوات ليشي وهي ماسكة رأس ميدوسا وبتجمد جيش كامل كان بيحاربها ، ومن ناحية تالتة شاف بوسايدن ومعاه رمحه الثلاثي وهو بيغرق العالم كله في الميه السودا ، ولكن كلهم وقفوا مره واحده وشافوا الفرعون من بعيد فاتجهوا ليه بسرعه ، وهنا الباب قفل بسرعه وطير الفرعون للسرير من تاني ، ومره واحده الباب اتفتح تاني ، والفرعون صوت من الرعب

ليلي : ايه في ايه ، انت مجنون ولا ايه
الفرعون بزعر : ااانا ، اانا شوووفتههم
ليلي : شوفت مين ، وبتروح ليه ، وبتطبطب عليه ، اهده مفيش حاجه ممكن تأذيك هنا ، قولي بقى انت مين وجيت هنا ازاي
الفرعون : اانا ، اانا مين
ليلي : اه اسمك ايه يعني
الفرعون : انا معرفش انا مين ، ولا جيت منين ، انا مش فاكر حاجه خالص
ليلي : يبقى انت فعلا اللي مدير أكاديمية السحر قال عليه
الفرعون : قال ايه ، ومين المدير ده
ليلي : متقلقش هو مسافر حاليا ، اول ما يرجع هتشوفه على طول


أكاديمية السحر ، بعد مرور كام يوم
ليلي : باس ياسيدي ، هي دي كل الأكاديمية
الفرعون : ايه ده ، دي كبيره اوي ، انت اكيد قعدت كتير لحد محفظتي كل مكان فيها زي ماورتيني
ليلي : ماتخفش هتتعود عليها على طول ، يلا بقى بينا على ساحة التدريب علشان اعرف مستواك
الفرعون بقلق : تعرفي مستوايا ليه
ليلي : علشان ده هيخليني اعرف هتدخل اي مرحلة في التعلم
الفرعون : ماشي يلا بينا

وفعلا دخلوا ساحة التدريب وكان موجود فيها لوكي وكام محارب تانيين بيتدربوا
لوكي : انتي ازاي تدخليه ساحة التدريب من قبل ما يدخل الأكاديمية او حتى من قبل ما المدير يشوفه
ليلي : اظاهر انك نسيت انت بتتكلم مع مين ، فوق لنفسك يا لوكي
لوكي : لا مش هفوق انت اللي تفوقي ، انت ختيها مره مني بالغدر بس مش هتخديها تاني ، انا بتحداكي في قتال مباشر
ليلي بابتسامه : وانا قبلت التحدي

وفعلا بيروحوا هما الاتنين لنص الساحة وبيستعدوا للقتال

الفرعون : هما كان بيتكلموا عن ايه ، وليه هيعملوا قتال
شاب ١ : لوكي كان بيتكلم عن منصبة اللي راح وليلي هي اللي خدته
الفرعون : منصب ايه ده
بنت ١ : قائد فرقة ذا ويند ، اقوى فرقة موجوده في عالم السحر
الفرعون : بقى ليلي كسبته قبل كده ، بطلوا هبل ، ده هيفشخها
شاب ١ : انت خايف منه ولا ايه
الفرعون : خايف ، ده انا مرعوب منه ، انت مش شايف جسمه عامل ايه
( اخص عليك يافرعون ، اخلاقك اتغيرت خالص 😅😅)


وفعلا القتال بينهم ابتدا ، ولوكي جري عليها بلمح البصر وضربها في بطنها بالسيف بتاعه ، ولكن ليلي صدت الضربة بسرعه بالرمح بتعها ، وردت الضربة برجليها اليمين بسرعه وطيرته لبعيد
ولكن لوكي وقف ، واتحرك عليها بسرعه وبراعه ، ولكن ليلي كانت واقفة بثبات ، وهنا لوكي ضربها بصاعقة عملاقه بشدة ، ولكن ليلي سحبت الصاعقة كلها ووجهتها ناحية لوكي
ولكن لوكي صدها بسيفه بسرعه ، والصاعقة اتوجهت ناحية الفرعون وضربته جامد وفقدته الوعي

وهنا الفرعون شاف في احلامه بنت جميلة جدا بشعر فضي يتطاير في الهواء ، واترمت في حضنه باكيه
البنت بعياط : إلحقني يا وليد

في الوقت ده في الساحه
ليلي : يخربيت انت هببت ايه
لوكي : هو كان قصدي يعني ، وبعدين ازاي يعني معرفش يصد الهجمه دي
ليلي : اسكت بقى ، انت مش عايز تفهم ليه ، قولتلك ده فاقد الذاكره ، يعني ذينا كلنا اول ما جينا هنا
لوكي : يعني المدير كان عنده حق فعلا ، والشخص ده نجح في الاختبار
ليلي : ايوا ، ساعدني بقى علشان نفوقه

ولكن الفرعون بيفوق بشرقه
الفرعون : موووووونيكا
ليلي باستغراب : مونيكا مين
لوكي بسخرية : قولتلك ده مجنون
ليلي : معلش لوكي مكنش يقصد يا ، احنا لازم نخترلك اسم صحيح لحد ما تفتكر اسمك
الفرعون : وليد ، انا اسمي وليد
الكل بصدمه : ازاي
لوكي : عرفته ازاي ، ده انا قعدت سنتين لحد ماعرفت اسمي
ليلي : وانا كمان قعد اكتر من سنه ونص
وليد : معرفش عرفته ازاي ، بس كل اللي حاسس بيه ان انا وليد
ليلي : وتعرف ايه تاني
وليد بحزن : مفيش ، وسابهم وطلع يجري
لوكي : الشخص ده شكله كده وراه قصه كبيرة جدا
ليلي : عندك حق ، ولازم نعرفها

( الكاتب : ادخلي على موقع نسوانجي وهتلاقي قصته في اربع سلاسل 😅😅 )


بعد مرور كام يوم
وليد : انا زهقت ، التمارين دي صعبة عاليه ومش هقدر اكمل
لوكي : يا روحي ، متحبش اعملك ضوافرك واقعدك جنب الملكه ، انشف ياد وفتح عنيك ، انت في مكان كل اللي في الكون نفسهم يموتوا حرفيا ويكونوا هنا
وليد : بس انا تعبت
ليلي : معلش لازم تدرب علشان ذاكرتك لما ترجعلك تعرف تستخدم قوتك زي ما كنت في العالم بتاعك
وليد : وانا هفضل مستني كتير
لوكي : محدش يعرف ، كله على حسب قوتك وعزيمتك
ليلي : ومتقلقش ، على حسب اللي شوفته منك ، فاممكن تفتكر كل حاجه خلال السنه الاولى ليك
وليد : ازاي
لوكي : علشان اول حاجه بنفتكرها لما نيجي هنا هو الاسم ، وانت افتكرته اصلا ، يبقى اللي جاي امره سهل بالنسبه ليك
ليلي : احنا بقى عايزين نشوف قوتك في القتال عامله ازاي
لوكي : وانا اللي هعمل معاك قتال
وليد بخوف : لا انا عاوز اعمل مع ليلي
لوكي بتحد : هو شغل عيال ولا ايه ، انا بتحداك رسميا في اول قتال ليك ، ( وبيسبه وبيروح لنص الساحه )
ليلي : لازم تقبل التحدي وإلا الرد مش هيعجبك
وليد : لا انا مش هقاتله
ليلي بابتسامة : يبقى الرد مش هيعجبك

ومره واحده بتيجي رياح من العدم وتطير وليد وبترميه لنص الساحه

وجري عليه لوكي بسرعه وفضل يضربه بالبونيات لحد ما كسر ضلعه ، وضربه بالرجل طيره لحد ما خبط في سور الساحه

وهنا وليد شاف لمحه من معركه ليه مع الفهد ، وهو واقف قصاد الفهد والدم بيسيل من جسمه

ولكنه فاق بسرعه واتفاده ضربة لوكي اللي كان حدف عليه رمح خشبي ، وجري ناحية لوكي ومسك رجليه ولسه هيوقعه على الارض ، ولكن لوكي شال وليد من راسه

لوكي : انا مش عارف انت ازاي نجحت في اختبار العالم بتاعك بضعفك ده ، انت مجرد نكرة ، عيل وهيتحسب علينا محارب

وفضل يضربه في بطنه لحد ما كسر ضلوعه كلها ، وضربه بالرجل في وشه طيره لنص الساحه ، ووليد نام على الارض ومش قادر يتنفس والدم نازل من جسمه كله وسنانه متهشمه في بوقه وفقد الوعي

ليلي بصدمه : انت هببت ايه ، انت عايز تموته
لوكي : انا مستخدمتش ربع قوتي يا ليلي ، الواد ده مش هينفعنا ، الاحسن اننا نرجعه للعالم بتاعه قبل ما المدير ييجي
ليلي بحزن : انت عندك حق ، الشخص ده مستحيل ينفعنا

ولكن وهما بيتكلموا وليد كان بيحلم وهو فاقد الوعي ، وليد كان شبح وطاير في عالم سجن الوحوش ، وشاف من بعيد الكيان اللي كان مسيطر على جسمه وهو بيقتل فولدمورت ، وبعدين شاف الفرعون وهو بيعمل ختم اوريكالكوس وخد الوحوش واختفى ، وشاف عياط البنت ذات الشعر الفضي عليه ، فراح ليها ولسه بيلمس راسها ففاق بشرقه وتف الدم من بقه

ووقف وليد ولكن المره دي الكيان كان مسيطر على جسمه من تاني ، وجسمه طالع منه هاله سودا مرعبة ، ومشي ناحية لوكي وليلي والارض بتولع من تحته

لوكي : اديه فاق ياستي ، يلا ناخده ونرجعه للعالم بتاعه تاني
ليلي برعب : اااانت ، ااانت مش شايفه عاامل اازاي
لوكي بص عليه : ينهار اسود ، الواد اتحول للهيئة دي ازاي

وعمل كورة نار كبيرة ورماها على الكيان ولكن الكورة اول ما لمست الهاله السودا اختفت تماما ، وهنا لوكي اترعب ومسك الرمح الذهبي بتاعه ورماه على الكيان ، ولكن الرمح ساح اول ما لمس الهاله برضه

ليلي برعب : ايه ده ، انا مشوفتش كده قبل كده
ليلي بلغة السحر : أليسا ويسكي كليفر

ومره واحده نزل من السما برق احمر شبه الدم على الساحه اللي فيها الكيان ، ولكن ليلي ولوكي عملوا عليهم درع ، والساحه كلها اتدمرت ، ولكن الكيان محصلوش أي حاجه ، وفضل مكمل طريقه ليهم

لوكي : هي دي نهايتي ، لا يلا نهرب بسرعه
ليلي : هنهرب ونسيب الأكاديمية ، ده لو عدانا هيدمرها
لوكي : مش احسن ما نموت ، يلا بيناااا

ولكن بيظهر قدامهم ميرفولك ( قائد المسافرين الاوائل ) ومعاه مدير أكاديمية السحر

المدير : ايه الطاقه اللي ظهرت مره واحده هنا دي
ميرفولك : وازاي حد منكم يستخدم الطاقه في الأكاديمية هنا
ليلي برعب : مش احنا اللي عملنا كده
ميرفولك : اومال مين ، مش انتو اقوى اتنين هنا
لوكي : هو ده ( بيشاور على الكيان )

المدير بص لميرفولك : هو وصل
ميرفولك : يا ميت اهلا وسهلا ، طال غيابه
المدير : يلا بينا ، الحيوان ده هيدمر الأكاديمية
ميرفولك : يلا بينا

وبيمسكوا ايدين بعض وبيضربوا الكيان بشعاع ضوئي عملاق ، ولكن بلا جدوى
ميرفولك : ده طلع اقوى مما تخيلنا
المدير : ولسه انت شوفت حاجه ، وبيفتح بوابة قدام الكيان وبيطير عليه وبياخده وبيدخله فيها ، وبيقفلها وراه

ليلي برعب : مييين الششخص دده
ميرفولك : ده على حسب ما عرفت هيكون منقذنا
لوكي : ده
ميرفولك : ايوا ده ، ده كويس انكم مدخلتوش معاه في قتال
لوكي : مدخلناش ايه ، ده انا كنت هقتله من شويه
ميرفولك بابتسامه : تقتل مين ، كل اللي انت شفته ده كان تسخين بالنسباله
لوكي بيبلع ريقه : تسخين
ليلي : تصدق عندك حق ، كل الرعب اللي احنا فيه ده ومعملش علينا هجمه واحده
ميرفولك : لو كان عملها كنتي زمانك ميته







نرجع من الفلاش باك في حصن ڤيلن
سنو : هي دي خطتنا يشباب ، مش عايزين حد ينفصل مننا ، تمام
تشارلي والفهد : تمام
سنو : هو تيريون فين
تشارلي : مش عارف هو قال خمسه وهيرجع
وبيظهر تيريون مره واحده ومعاه مونيكا
سنو : انت ايه اللي هببته ده يازفت انت
تيريون : كان لازم تعرف ، ودي اكتر حد ليه الحق انه يعرف
تشارلي : مكنش لازم تقولها يا تيريون ، انت كده هتحط ضغط عليها وعلينا كلنا
مونيكا بجدية : ايه خلاص بقيت حمل عليكم ، بس انا هنا علشان هدف واحد ، علشان ارجع الفرعون لينا ، واي اعتراض هسمعه من حد فيكم هقتله بنفسي
سنو : خلاص يخربيتك ، يلا يا زفت انت انقلنا على العالم اللي فيه الفرعون

وفعلا تيريون بيخدهم كلهم على العالم رقم صفر







في قصر مي

نور بغضب : ايوا انتي السبب
سلمى بغضب : لا مش انا ، انتي السبب ، انا هقتلك
مي : باااس ، انت بتهببوا ايه ، انا لو سمعت واحده فيكم هقتلها بنفسي
سمر : هو فيه ايه ، محدش فيكم بقى طايق التاني ليه
غاده بسخريه : ممكن علشان بقالنا سنتين مش عارفين ننسى وليد ، ولا علشان معملناش قتال من زمان
سمر : اخرسي ، وبتضربها بالكف

وهنا مي فتحت بوابه وخدتهم كلهم لعالم بيغاسوس

سمر : انتي جبتينا هنا ليه
نور : علشان الزفته دي هي السبب
سلمى : سبب في ايه ، انت السبب ، انا هقتلك
مي بصوت عالي سكت الكل : كلنا السبب ، كلنا السبب ان وليد يضحي بنفسه علشانا كلنا
نور : واحنا هنا في المكان القذر ده ليه
غاده : علشان هنا بدأت الحكايه كلها ، احنا لو كنا اقويا فعلا مكنش وليد خسر الحرب وضحى بنفسه
سمر : باس منك ليها ، وليد مامتش ، وليد لسه عايش ، وبيجيلي كل فتره يتطمن عليا ويمشي
مي : لا يسمر ، وليد مات ، ابني مات
سمر : مامتش ، قولتلك مامتش
نور : لا يسمر ، انتي لازم تفوقي بقى ، وليد مات واللي بيجيلك ده هو تيريون متنكر في هيئة وليد
سلمى : لازم تفوقي ياسمر وتعرفي ان وليد مات
غاده : وليد انتهى ياسمر ، وليد مات
سمر بصرخة مدوية : لاااااا ، وليد مامتش

وبتطير في الجو وبتضرب قصر بيغاسوس القديم بهجمة عملاقه فبتدمره ، وبتجمع كل قوتها وبتضرب المكان تاني فبتأدي لنسف الارض كلها

مي : انا جبتكم هنا يانور علشان كده ، طلعوا كل الغضب اللي جواكم ودمروا العالم القذر ده نهائيا

وفعلا كل واحده فيهم بتعمل هجمه ورا التانيه وده بيأدي لدمار اغلب عالم الظلام

وبيظهرلهم من خلال بوابه ، الملك فارازون ، اللي كان مخضوض جدا

فارازون : انتوا بتعملوا ايه ، انا فكرت ان فيه حرب قامت تاني هنا
مي : معلش يا فارزون ، البنات بتنفس عن غضبها
فارازون بحزن : هما لسه منسيوش اللي حصل
مي : انت عايزهم ينسوا
فارازون : ينسوا ازاي ، اذا كان انا لسه منستش اللي حصل ، يلا ننضم ليهم

وفعلا فارازون ومي عملوا هجمات معاهم ودمروا الباقي من عالم الظلام








عند ملوك القوة
ذا بلاك ون : عايزكم توجهوا الاسطول كله حوالين الثنايا
بوسايدن : طب وايه اللي هيحصل يعني ، ماحنا مش هنعرف نعدي الثنايا برضه
ذا بلاك ون : بس هنعرف ازاي الشخص ده عدى الثنايا ، وازاي قدر يقف قصادك ويسرق منك حجر الديمنترا
بوسايدن : حاضر يا جلالة الملك
ذا بلاك ون : وانت يا هايدس
هايدس : تحت امرك يا جلالة الملك
ذا بلاك ون : جهز جيش الموتى ، انا عايز جيش ملك القوة القديم يرجع تاني
هايدس بقلق : بس جلالتك مجهزتش الجيش ده من ساعة اللي حصل
ذا بلاك ون : قصدك من بعد الخسارة بتعتنا ، بس المرادي اللي هزمنا مش معاهم ، وانا مش هسمح ليكم اننا نخسر تاني
ليشي : طب وهندخل العالم بتعهم ده ازاي
ذا بلاك ون : انا عارف انها صعبه ، وهتكون سبب موت حد فينا ، بس هنخترق الثنايا يعني هنخترقها





في العالم رقم صفر

بيظهر تيريون ومعاه تشارلي والفهد ومستر سنو ومونيكا ، في العالم رقم صفر وبيكون عالم مشوه ومفيش عليه حياة ، وبيظهر من خلاله اندماج كل العوالم في نقطة واحده

تيريون : ايه ده ، هو ده العالم رقم صفر
تشارلي : بقى هو ده العالم الذهبي اللي كل الاساطير بتقول عليه
مونيكا : هنلاقي الفرعون ازاي يا مستر سنو
سنو : المكان اللي في البلورة بيقول ان ده المكان اللي فيه الفرعون
الفهد بيقاطعهم : مفيش حد في العالم ده كله ، انا عملت تعويذة تحديد المكان وملقتش مخلوق واحد عايش في العالم ده
تيريون : طب وهنعمل ايه بقى
سنو : يبقى ندور عليه في كل العالم ده ، انتو مش شايفين عدد الكواكب اللي حوالينا ولا ايه
تيريون : بس ده ممكن ياخد وقت كبير جدا مننا ، ده غير اننا ممكن نعمل عداوات مع سكان الكواكب دي
مونيكا بغضب : يبقى ترجع الحصن ، اللي خايف يروح ، وانا اللي هدور عليه بنفسي ، حتى لو هولع في كل الكواكب دي






داخل البوابه اللي المدير فتحها

اول ما الكيان دخل في البوابه ، فرجع وليد لحالته الطبيعية فورا ، وشاف من وراه مدير أكاديمية السحر

وليد بصدمه : ااانت
المدير : اهدى وهفهمك كل حاجه ، غبت كتير علينا يا فرعون

يتبع



=====================================================================================================

بشكر كل الناس اللي علقت ورحبت برجوعي ، شكرا ليكم ❤️❤️

وتوقعاتكم كالعادة .. مين هو مدير اكاديمية السحر

وهل مونيكا وفرقة الفرعون هيلاقوا الفرعون فعلا ، ولا هيلاكوا مشاكل اكتر

سلااااااااااااااااااااااااااام من الفــــــرعون

=====================================================================================================

الجزء الثالث / عودة الملك

نرجع من الفلاش باك في الزمن الحاضر ( الفرعون كان بيحكي قصته لليلي في الجزء اللي فات)

وليد : بس ياستي هو ده كل اللي اعرفه
ليلي : تعرفه ايه انت جاي عند اهم حته في القصة ومتقولهاش
وليد : اهم حته ازاي
ليلي : انا عايزه اعرف ايه اللي حصل لما مدير الأكاديمية خدك واختفى داخل البوابه الغريبة اللي فتحها
وليد : مش هتصدقيني لو قولتلك
ليلي : جربني يا سيدي
وليد : مش فاكر اللي حصل
ليلي : يعني ايه
وليد : انا اخر حاجه فاكرها اليوم ده لما لوكي فضل يضرب فيا لحد ما فقدت الوعي
ليلي ( بتبصله بخبث ) : يعني هي بقت كده ، طيب اقنعني بقى انت ازاي عرفت تقف قدام بوسايدن ، وازاي اصلا عرفت تخرج من الثنايا وتروح لعالم اديرا ( عالم القوة ) ، وازاي قدرت تفتح بوابه زي ما مدير الأكاديمية فتحها قبل كده
وليد : هحك.....
( ولكن بيقطع كلامهم انذار الطوارئ الخاص بليلي )
ليلي : يادي ام الحظ ، يلا بينا نشوف فيه ايه


عند فرقة الفرعون
( عرفنا في الجزء اللي فات ان الفرقه راحت العالم رقم صفر علشان تدور على الفرعون ، واكتشفنا ان العالم ده موجود فيه كواكب كتير متناثره وبعيده عن بعض ، وهنا الفرقه بدأت تدور على الفرعون على كل الكواكب دي ، كوكب ورا التاني ، ولكن بلا جدوى )

تيريون بقلق : احنا لو فضلنا هنا الناس دي هتتجمع ويحاربونا
سنو : انت عندك حق ، احنا لازم نهدي اللعب
تشارلي بحزن : بس احنا كدا عمرنا ما هنلاقي الفرعون
تيريون : متقلقش يا تشارلي اكيد هنلاقيه ، بس لو فضلنا ندور عليه بالطريقه دي مش هنعرف نكمل وممكن نموت كمان
مونيكا بغضب : لو خايف على نفسك يبقى تمشي وتغور من هنا ، وانت هتتكلم ولا اموتك ( كانت ماسكه واحد من سكان احد الكواكب اللي بيدوروا عليها وبتعذب فيه )
الشخص : اتكلم اقول ايه ، ( وبيصرخ من الالم ) ، انتي عايزه ايه مني
مونيكا : عايزاك تقولي شوفت الشخص ده فين قبل كده ( وبتوريله صورة الفرعون )
الشخص ( بيدقق في الصورة ) : لا مشوفتوش
مونيكا بغضب : يعني ايه مشوفتوش
سنو بجدية : بس بقى كفايه
مونيكا بتبصله بحقد : ماشي ( وبتكسر دراع الراجل )




مقر فرقة ذا ويند
بيدخل وليد وليلي مقر الفرقة وبيلاقوا لوكي وكام محارب بيلبسوا بدلات الحرب بتعتهم
ليلي : هو فيه ايه ، وانتوا بتستعدوا لأيه بالظبط
لوكي : متقلقيش اوي كده ، ده مجرد مجموعه مجرمين بيتنمروا على سكان كوكب في القطاع رقم صفر
وليد : وكلكوا راحين علشان المشكله التافهه دي ، وليه انذار الطوارئ بتاع ليلي ضرب
ليلي : مفيش حاجه اسمها مشكله تافهه ياوليد ، وانت عارف كويس ان اي مشكله لازم اعرفها مهما كانت صغيره
لوكي : خلصنا من الرغي ولا لسه
ليلي : اه خلصنا ، وانا بديك التصريح انك تدخل فورا ، هو مين اللي موجود من المسافرين
مقاتل ١ : موجود ريكون وسولي
ليلي : طيب خدوا ريكون





في سفينة بوسايدون
ليشي : انا مش عارفه الملك اصر ليه اني اكون معاك هنا
بوسايدون : مش فاهم قصدك
ليشي : متلفش وتدور عليا يا بوسي ، احنا عارفين كويس اننا مستحيل نخترق الثنايا دي ، قولي ايه هي خطة الملك
بوسايودن : زيي زيك معرفش حاجه ، بس كل اللي بفكر فيه دلوقتي ازاي الشخص ده هرب كده
ليشي : اه صحيح انت مقولتش لنا الشخص ده هرب ازاي ، اكيد كان معاه واحد من المسافرين بتعهم
بوسايدون : هو فعلا كان معاه واحد منهم ، وكمان كان معاه واحده والظاهر كده انها بتحبه
ليشي : طب هرب ازاي وانت قولتلي انه كان معاك الهيلهاوند
بوسايدون بقلق : الشخص ده كان معاه نفس القوة اللي كانت مع المحارب الزفت الاعظم
ليشي باندهاش : ايييييه ، طب ازاي
بوسايدون : شكل كده المحارب الاعظم ده نقل قوته قبل مايموت
ليشي : تفتكر
بوسايون : اصل مفيش سبب تاني غير كده ، تخيلي معايا كده قوة المسافرين دي جت منين ، دا غير قوة الملك بتعهم دلوقتي والمساعد بتاعه اللي بيفتح بوابات هو كمان ، ده غير الشخص اللي سرق مني حجر الديميترا ( حجر القوة الخاص بيه )
ليشي بتقوم : لا كده فيه حاجه غلط بتحصل ، احنا لازم ندخل عالم هيرا بأي شكل ممكن





على احد الكواكب في العالم رقم صفر
ظهر ريكون ومعاه لوكي وكام محارب تاني في وسط شارع في احد المدن ، وشافوا الشارع والبيوت اللي حواليه بتولع
لوكي : ايه ده هو فيه ايه بالظبط
ريكون بخضه : حاسب يا لوكي ( ونط عليه وفاده من كورة نار كانت هتقتله )

لوكي اتعدل بسرعه وشاف مجموعه من الرجاله بتحاول تسيطر على بنت ، ولكن البنت دي عليها هاله سودا وعماله ترمي كور نار وتحرق في كل البيوت ، وهنا لوكي واللي معاه راحوا عندهم بسرعه

لوكي : هو فيه ايه ، وايه اللي عمل فيها كده
تيريون : متقلقش احنا بنحاول نسيطر عليها ( ايوا ياعزيزي دول فرقة الفرعون ومونيكا خرجت عن السيطره )
ريكون : بتسيطروا عليها ازاي ومحدش حتى بيحاول يقرب منها
تشارلي : ما تهدى يانجم انت وهو ، ماقلك هنسيطر عليها ونمشي من هنا على طول
محارب مع لوكي : انت بتزعق كده ليه ، ماحنا ممكن نسيطر عليها حالا
لوكي : ونسيطر عليها ليه ، دي حرقت وقتلت مواطنين من الكوكب ده ، انا بأمركم انكم تتراجعوا فورا وتسبونا نتصرف معاها
تشارلي ( طلع السيف بتاعه ) : ده عندها ياروح امك
لوكي : انت كده بتقف قدام السلطة الحاكمه ، وده هيؤدي اننا نتصرف معاكم على انكم خونه
تيريون بيطلع الرمح بتاعه : واحنا مش هنسيبك تأذي مونيكا ابدا
لوكي : يبقى انتوا كده مسبتوش ليا غير اننا نقاتلكوا
لوكي بلغه سحرية : ساند اوف اترميس
( ومره واحده الارض اللي تحت فرقة الفرعون بتتحول لبحر من الرمال المتحركه وبتغرقهم كلهم )
ريكون : ايه ده ، اومال عمالين يهددونا ويسحبوا سيو.....
( وقبل ما يكمل كلامه تيريون ظهر من العدم وقطع راسه ، وتشارلي من الناحيه التانيه اتحول لشبح وشق محارب كان مع لوكي )
سنو : خلص يافهد ، صحي مونيكا بسرعه ، لازم نمشي من هنا فورا
( وهنا الفهد ظهر كالعاده داخل العقل الباطن لمونيكا ، ولكنه اتفاجئ بكمية الظلام اللي زادت جدا وكانت بتاكل من النور الباقي لمونيكا ، وهنا فضل يدور عليها كتييير جدا لحد مالقاها قاعده تحت شجره وماسكه صورة الفرعون وبتبكي بشده ، فراح الفهد ليها وقعد جنبها)
الفهد : مستخبيه هنا ليه يا مون
مونيكا : مبقتش قادره اواجه ، مبقتش قادره
الفهد : كلنا يامونيكا ، محدش فينا بقى قادر ، بس لازم نكمل ، لازم نلاقي الفرعون ، وليد مش هيرجع لينا غير بمساعدتنا ليه
مونيكا بتبكي بشده : مبقتش قادره ، مبقتش قادره اعيش من غيره
( ومره واحده الفهد بيتطرد من عقلها الباطن وبيرجع لجسمه من تاني )
سنو : عملت ايه
الفهد بقلق : دي اول مره يحصل كده ، مونيكا حجبتني من عقلها

( ومن الناحية التانيه كان تيريون وتشارلي نازلين فشخ فى لوكي واللي معاه ، ولوكي شاف ان فرصة نجاته ضعيفه فطلب الدعم فورا )




عند قصر مي
نور : شوفتوا رجعنا لطبيعتنا ازاي لما دمرنا عالم الظلام
سلمى : عندك حق فعلا ، دي اول مره من ساعة اللي حصل احس ان فيه حجر ونزل من على صدري
مي : ولسه يابنات ، لازم نكمل المسيره والحلم اللي وليد اخوكم كان بيحلم بيه
غاده : حلم ايه ده ياخلتو
سمر بزعل : كان عايز السلام يعم في العالم كله ، ولازم نحققله الحلم ده
شروق ( بتدخل عليهم ومعاها خيري ) : وعلشان كده احنا محتاجين مساعدتكم
مي : ياااه يشروق اخيرا رجعتي ، ومساعدة ايه اللي عايزنها دي
خيري : شروق رجعت لقسم ألفا يامي ، واحنا محتاجين مساعدتكم علشان نوقف حرب ممكن تهدد العالم كله
سمر بخضه : ايه تاني
خيري : كنا متابعين مجموعه مجرمين في جميع دول العالم ، والمجرمين دول عندهم قدرات سحريه ذيكوا كده ، واتفاجئنا كلنا لما عرفنا ان ليهم علاقه قديمه مع جماعة العنقاء ( بتاعت السلسله الاولى والتانيه )
مي : غريبه دي ، مش حصن ڤيلن فضل وراهم بعد الحرب اللي اتعملت بينهم وموتوا كل الاعضاء الباقيين
شروق : وده فعلا حصل ، بس اللي معملناش حسابه ان يكون فيهم واحد خاين
مي بخضه : يعني ايه
خيري : يعني فيه واحد من حصن ڤيلن كدب علينا كلنا لما قال انه خلص على كل اعضاء الجماعه
نور : ومين الشخص ده
خيري : قبل ما نرمي اي اتهام لازم نتأكد ميه في الميه ، احنا كده ممكن نعمل عداوه مع حصن ڤيلن
( ومره واحده بتظهر مياده ومعاها احمد وكيرا وبيقاطعوا كلامهم )
خيري : ها اتأكدتي
مياده : ملامحه مكنتش باينه المرادي ، بس انا متأكده انه هو اللي ورا الحكايه دي كلها
احمد : انا مكنتش مصدق برضه ، بس لازم نرجع كلنا ونقف قدامهم ، انتو عارفين الجماعه دي لو اتمكنت هتعمل ايه في العالم
سلمى : هيعملوا ايه يعني اكتر من اللي عملوه قبل كده
كيرا بابتسامه سخريه : لا من ناحية هيعملوا فهما هيعملوا وكتييير كمان





عند ذا بلاك ون ( ملك عالم القوة والكون الخارجي )
ذا بلاك : عملت ايه
مساعده : استخلصنا القوه بتعته يا سيدي ، بس للأسف محدش فينا عارف يستعملها ازاي
ذا بلاك : طيب انا عايزها عندي هنا ، واستدعيلي الهيلهاوند والوايلد هانت كلهم
مساعده برعب : فورا يامولاي
ذا بلاك بابتسامة شر : قربت خلاص يا إتش ، هغزي العالم بتاعك وانت مش هتكون موجود علشان تدافع عنه





عند مقر فرقة ذا ويند
ليلي : كمل بقى ياوليد ، ازاي عديت الثنايا وفتحت بوابه زي بتاعت المدير ، وازاي وقفت قدام بوسايدن
وليد : هقولك ، طبعا زي ماحكيتلك قبل كده ان اخر حاجه كنت فاكرها لما لوكي فضل يضرب فيا لحد ما فقدت الوعي ، بعدها فوقت في المستشفى ولقيت المدير واقف معايا

فلاش باك قبل سنتين
المدير : اخيرا فوقت ياوليد ، طال غيابك يابطل
وليد : ااانا ، اانا فيين
المدير : انت في المستشفى ، معلش بقى لوكي ايده تقيله حبتين
وليد افتكر القتال بينهم : اه ، ده كسر ضلوعي
المدير : معلش ، وانت لازم تتمرن علشان ترجع لمستواك ، انت متعرفش كنت عامل ازاي في العالم بتاعك
وليد : هو انت تعرفني
المدير : طبعا اعرفك ، واعرف كل طالب موجود عندي في الأكاديمية ، كنت متابعك في كل حروبك
وليد : وانا بقى كنت جامد زي مابتقول كده
المدير : طبعا كنت قوي ، ولسه قوي على فكره ، بس لازم تتمرن وتخلي جسمك وعضلاتك تفتكر قوتك ، لازم ترجع وتحارب وتفتكر كل حاجه
وليد اتشجع : حاضر ، وانا هنزل ساحة التدريب من دلوقتي
( وبيقوم ناحية الباب وبيفتحه ، ولكن الباب بيفتح على عالم تاني زي المره اللي فاتت وشاف ذا بلاك ون بياكل ارواح البشر وشاف ليشي وهي بتدمر جيش كامل برأس ميدوسا ، وشاف بوسايدون واسطوله وهما بيدمروا العالم كله ، ولكن مره واحده المدير بيقفل الباب بسرعه وبص لوليد برعب )
وليد بيرجف : همما ، ههمم ميين ددول
المدير حضن وليد : متخفش ، هتعرف عنهم كل حاجه ، بس متخفش ، انت أملنا الوحيد يابني

نرجع من الفلاش باك
ليلي : ها وبعدين
وليد : وبعدين ايه ، يعني مش عايزه تسألي مين الناس اللي شوفتهم دول
ليلي : انت عبيط ياض ، ماكلنا عارفين ان دول ملوك عالم القوة
وليد : طيب ياستي خليني اكملك ، من بعدها بقى المدير بنفسه اللي بقى يدربني في العالم الخاص بيه
ليلي بقلق : بقى مدير أكاديمية السحر دربك انت
وليد : زي ماقولتلك كده ، دربني ازاي اقاتل بكل قوة ، ودربني ازاي اعمل بوابة تنقل زيه ، وكمان عرفني على احجار الكوارتز وازاي استعملها ( احجار ملوك القوة )
ليلي : طب و......
( وقطع كلامها انذار الطوارئ الاحمر اللي لابساه على ايدها )
ليلي : غريبه دي اول مره لوكي يضرب الانذار ده ، اكيد فيه مصيبه ، انا لازم اروح فورا ليه
وليد : تحبي اجي معاكي
ليلي : لا مش مستاهله ، لو فيه حاجه مهمه هقولك على طول
( وبتستدعي سولي وبتاخده وتختفي لمكان لوكي )

وهنا الفرعون بص لنفسه في المرايا ، واتكسف من نفسه علشان كدب على ليلي





فلاش باك قبل سنتين ( اللي حصل فعلا )
لما المدير خد الكيان اللي مسيطر على وليد ودخل من البوابه ، وليد رجع لطبيعته فورا ووقف قدام المدير

انا : اانت
المدير : اهدى وهفهمك كل حاجه ، اتأخرت علينا كتير يافرعون
انا : هو ايه اللي حصلي ، وليه فقدت الذاكره لما دخلت العالم ده ، ليه يا أراغون لييييه ( مدير أكاديمية السحر يبقى الملك اراغون يا عزيزي )
اراغون : ده من اثار ختم اوريكالكوس يافرعون ، وكل اللي دخل العالم ده لازم يفقد ذاكرته علشان ميرجعش للعالم بتاعه تاني
انا : ليه
اراغون : علشان لو عرفت الحقيقه اكيد هترجع تاني
انا بسخريه : ليه هخاف يعني ، ولا هموت ، انا طول عمري ماخفت من حاجه ، وحتى الموت كنت برمي نفسي عليه ، بس عمره ماقبلني
اراغون : يعني عايزني اقولك الحقيقه
انا : معدتش فارقه معايا ، احكي يا ارغون ، احكي

اراغون : اولا انت هنا في عالم هيرا ، عالم هيرا ده كان جزء واحد من عالم تاني اسمه اديرا ، الاتنين كانوا كوكب واحد زمان اوي ، كان الخير والفلوس والغنى بيعم الكوكب كله ، الشعب كان مبسوط وعايش في سلام ، وكان عندهم اسطول من السفن بيسافروا بيه لكل الكواكب اللي حواليهم ، وبيتاجروا مع السكان بتعهم والخير بيعم على الكل

انا : ولكن
اراغون بابتسامه : ولكن يا سيدي في يوم من الايام ، نزل نيزك من السما على الكوكب ده قسمه لنصين ، كل نص راح في اتجاه
انا : هو ايه حكايه ام النايزك اللي في كل قصة دي ، وازاي اصلا الكوكب ماتدمرش

اراغون : الحقيقة ان محدش يعرف النيزك اللي وقع على الكوكب ده جاي منين بالظبط ، بس النيزك اللي وقع على العالم رقم صفر ده احنا عارفين سببه كويس بس مش مهم تعرفه دلوقتي ، المهم ان بعد ما الكوكب اتقسم نصين ظهرت احجار الكوارتز و احجار الدارتز ، احجار الكوارتز دي هي احجار القوة وظهرت في عالم اديرا واللي ادت للملوك هناك قوة جباره في الحروب والغزوات اللي عملوها بعد كده ، واحجار الدارتز هي احجار السحر واللي واحد من الاحجار دي يبقى ألماسة الخلود بتاعتنا

انا : ايه ، يعني مصدر السحر في العالم بتعنا هو حجر دارتز

اراغون : بالظبط كده ، المهم ان ملوك القوة شافوا الاحجار السحريه دي وشافوا تأثيرها الواضح ، ودى ادى انهم يطمعوا فيها ويهاجموا اديرا ، وقامت مابينهم حروب كتييييره جدا ، وكل مره كوكب من الكواكب اللي حواليهم يتدمر ، لحد ماظهر المحارب الاعظم واللي كان اسمه اتش ، ووقف قدام ملوك القوة لوحده ، وكان معاه وقتها حجر الديميترا اقوى احجار ملوك القوة ، واثناء المعركة الكبرى مابينهم ، حصل انفجار كبير جدا وده ادى لظهور الثنايا اللي فاصله العالمين عن بعض ، بس فيه حاجه حصلت قبل الانفجار ، ملوك القوة اتجمعوا كلهم في ضربه واحده وضربوا المحارب الاعظم ، ولكن المحارب الاعظم صد الضربه دي بحجر الديميترا وده ادى للأنفجار وظهور الثنايا وحاجه تانيه كمان

انا : ايه

اراغون : فيه حته اتكسرت من حجر الديميترا ونزل زي النيازك في كل الكواكب المجاوره لينا ، وهو ده اللي جاب السحر للعالم رقم صفر
انا : يعني قصدك ان السحر اللي موجود في العالم بتاعنا ده بسبب المعركه دي
اراغون : مش بس كده ، فاكر الديمنتور اللي كان ملك عالم الظلام وكان مستعبد بيغاسوس ، اهو الديمنتور ده مجرد حته صغيره من ذا بلاك ون ملك عالم القوة
انا بخضه : اييييه ، اومال قوته بقى الحقيقة عامله ازاي
اراغون : تخيل انت بقى ، ذا بلاك ون لو اخترق الثنايا دي يبقى نهاية عالم هيرا والعالم بتعنا
انا : يعني ايه ، واحنا مالنا بعالم هيرا
اراغون : يابني افهمني ، كل العوالم الموازيه مربوطه ببعض ، وكلهم متصلين بشكل مباشر بالعالم رقم صفر ، والعالم رقم صفر ده عباره عن كوكب موجود داخل الثنايا اللي هو عالم هيرا
انا : يعني لو اي حاجه حصلت للعالم رقم صفر ممكن تدمر كل العوالم الموازيه
اراغون : مش العوالم الموازيه بتاعتنا بس ، لا ، كل العوالم بتاعت المحاربين اللي موجودين في هيرا ، يعني اكتر من مليون عالم ممكن يتدمروا بمجرد اختراق ذا بلاك ون للثنايا
انا : يعني دلوقتي فيه بلايين الارواح متعلقه في رقبتنا كلنا ، طب وانت بتقولي كل الكلام ده ليه دلوقتي ، مزي مانت بتقول الثنايا دي موجوده من زمن فات ، ايه اللي جد
اراغون : اللي جد ان بلاك ون عمل مجموعة من الصيادين اسمهم الوايلدهانت وقائدهم اسمه الهيلهاوند ، ودول بيحجبوا قدرة المسافرين الاوائل ، اللي هما الوحيدين اللي بيقدروا يعدوا الثنايا
انا بقلق : يعني قصدك انهم ممكن يمسكوا حد منهم ويجبروه انه ينقلهم لهنا
اراغون : او اسوء ، ممكن ياخدوا القوه بتعته وييجوا عندنا هنا
انا : طب وليه المسافرين دول بيروحوا عندهم اصلا
اراغون : علشان يتجسسوا عليهم ويشوفوا ايه اخر المستجدات هناك ، يعني يعرفوا هل لقوا حاجه ممكن يخترقوا بيها الثنايا ولا لا
انا : طب وليه مفيش ناس تانيه محترفه هي اللي تروح
اراغون : مفيش حد ممكن يعمل كده ( وبيبتسم ) لحد مانت جيت يافرعون
انا : يعني ايه ، عايزني اتجسس عليهم
اراغون : مش بس كده ، انا عايزك تسرق احجار القوة بتعتهم
انا بفكر : وانا موافق ، بس انا عندي استفسار
اراغون : ايوا مش هتفتكر كلامنا هنا اول ماترجع لهيرا تاني
انا : اومال هنفذ الخطه ازاي
اراغون : متقلقش انا هدربك بنفسي لحد ماتوصل لنفس مستواك حاليا

نرجع من الفلاش باك
(بيفوق وليد على إنذار الطوارئ بتاعه وبيعرف ان ليلي بتطلب مساعدته ، فبيفتح بوابه وبيروح على هناك )





عند فرقة الفرعون
مستر سنو والفهد عمالين يحاولوا يضربوا مونيكا علشان تفقد الوعي بس مش عارفين ، والناحية التانيه تيريون وتشارلي نازلين فشخ في لوكي واللي معاه لحد ما ليلي ظهرت وكان سولي معاها

ليلي : فيه ايه يا لوكي ، ومين دول
لوكي بينهج : مش عارف ، حاسبي يا ليلي ( وبيفاديها من ضربة تشارلي )
ليلي بلغة السحر : فريزيان إلوري

وبيطلع من الارض سلاسل نور وبتمسك تيريون ، وبتحاول تمسك تشارلي بس عدت منه اكنه هوا ، وتيريون بيختفي والسلاسل بتنزل الارض تاني

لوكي : مين دول وازاي التعاويذ بتعتنا مش مأثره فيهم
ليلي : لازم نوقفهم قبل ماحد تاني يتأذي
تيريون من بعيد : كل اللي احنا عايزينه انكم تسيبونا نهدي مونيكا وناخدها ونرجع للعالم بتعنا
سولي من ورا ليلي : ايه ده ، ايه اللي جابك هنا ياتيريون ، احنا مش اتفقنا انك مش هتيجي العالم بتعنا
ليلي : انت تعرفهم يا سولي
تيريون : انت بتعمل ايه هنا ، هو العالم رقم صفر بتاعك ازاي
لوكي : حد يفهمنا فيه ايه
سولي : ده كان المفروض انه يكون احدث عضو في جماعة المسافرين بس هو رفض انه ينضم لينا
تشارلي : مين دول ياتيريون ، وايه موضوع المسافرين ده
ليلي : وبتعملوا ايه هنا بقى
سنو بيزعق : بااااااس كفايه اسئلة ، البت هتموتنا

وفعلا مونيكا عملت موجة جاذبية عملاقه وطيرتهم في السما ، ونزل عليها برق من السما وضربتهم بيه ، وهنا ليلي عملت عليها درع وصدت الضربه ، ونزلت عليها بسرعه بالسيف بتعها ولكن السيف ساح اول ما لمس الهاله السودا اللي على مونيكا ، وطيرت ليلي لأخر الشارع ، وهنا ليلي افتكرت وليد لما اتحول قبل كده وضربت انذار الطوارئ بتاعه

وهنا وليد خرج من البوابه ببطئ ( بدخول درامي )

تيريون : الفرعووووون
تشارلي : اخويااااا
الفهد : يافرعوووووون
سنو : الملك رجع يا عالم ، الملك رجعععع

ولكن عند الفرعون كان فاصل عند الدنيا كلها ، مش شايف قدامه غير البنت اللي بتظهر في احلامه على طول ، مش شايف غير البنت ذات الشعر الفضي ، مش شايف غير مونيكا

ركض الفرعون بخطوات متسارعه والدموع تنهمر من عينيه ، ومن الناحية الاخرى مونيكا رأت قلبها يركض مسرعا عائدا لها ، فأسرعت نحوه كالبرق ، بينهما مسافة قصيره ولكنها لا تصغر بكل الركض ، تعلو مونيكا بالصياح ( فروعنيييي ) ، ووليد لا يعلم من هي ولكن يصيح بأعلى صوته ( موووووون ) ، يتلامس الاثنين بعد سنين طويله ، تدخل في حضنه الفتاه ذات الشعر الفضي والدموع تتساقط من عينيها ، يأخذ شفتيها في قبله قد نسي طعمها ، وفجأة اختفوا الاثنين من الوجود ، والكل واقف مذهول

يتبع

====================================================================================================

شكرا لكل الناس اللي بتسأل عليا دايما ❤️❤️❤️❤️
طبعا محدش عرف يتوقع مين هو مدير أكاديمية السحر ، لعبتها صح المرادي 😂😂

عايز توقعاتكم كالعاده ، مين هو الخاين اللي موجود في حصن فيلن
وهل الذاكره رجعت للفرعون فعلا ولا
وهل هيكون فيه تعاون مابين فرقة الفرعون وفرقة ذاويند
انتظروا معارك وحروب واكشن في الاجزاء القادمة

سلااااام من الفرعووووووون
====================================================================================================

عاش يا واحش بس ياريت ماتتاخرش علينا

 

[فارس فارس فارس]

➤السابقة

اهلا بكم في الفرعون المصري السلسله الخامسة​

ملحوظة ، لازم تقرأ الشخصيات والعوالم قبل ما تقرأ الاحداث

====================================================================================================
عوالم وشخصيات الرواية

عالم ٦٠٨ ... هو عالم الفرعون واللي احداث السلاسل اللي فاتت بتقع فيه

شخصيات العالم ده

وليد الشاذلي .. الملقب بالفرعون ووريث اراغون ملك البشر الاول

مي .. ام وليد والملقبه بالساحرة القرمزيه

نور .. اخت وليد الكبيره وحائكة تعويذات

سلمى .. اخت وليد التانيه والملقبة بالعنقاء الناريه

سمر .. مرات خال وليد واللي ربته وبتمتلك قوة ريفين بسبب الخاتم اللي الفرعون إداه ليها

شروق .. اخت مي وكانت جاسوسه تبع قسم ألفا في الماضي .. وهي ام غاده ويمنى

غاده .. حبيبة الفرعون التانيه وبتمتلك قوة سكاي بسبب الخاتم اللي الفرعون إداه ليها




فرقة الفرعون

مونيكا .. حبيبة الفرعون الاولى واقوى محاربة في حصن ڤيلن

تشارلي .. من اقوى المحاربين في العالم وبيمتلك قوة التحول للشبح

تيريون .. من اذكى الاشخاص في العالم وبيمتلك قوة المسافرين الاوائل وهي التنقل من غير بوابات

كيرا .. كانت في مدرسة النقطة السودا وانضمت لفرقة الفرعون ومن اقوى الهاكرز في العالم

احمد .. صديق الفرعون وبيمتلك مهارة تصلب الجسد

مستر بنجامين سنو .. قائد حصن ڤيلن

فاير .. قائد ثاني في الحصن وقائد الفرق العسكرية بحصن ڤيلن

الفهد .. المنافس الرئيسي للفرعون ومن اقوى المحاربين في العالم

الساحر يو .. من السحره الزرق

الساحر ايرين .. من السحره الزرق




قسم المخابرات ألفا

اللواء خيري مشهور .. قائد قسم ألفا للمخابرات المصرية

مياده .. من اهم الظباط في القسم وانضمت لفرقة الفرعون

سيد .. قائد تاني في قسم ألفا




مملكة ڤالينور

عزيز .. حاكم المملكة في غياب الفرعون

استيلا .. اميرة المملكه وانضمت لفرقة الفرعون

بياتريكس ..من اقوى المحاربين في المملكه وانضمت لفرقة الفرعون

ناريس .. مديرة مدرسة ألفيا للسحر

سيلفا .. مدرب القتالات في المدرسه وابو سكاي اللي مات

سكاي .. من اقوى المحاربين في المملكه وقتل في مهمة مفاتيح سجن الوحوش ... وروحه في خاتم غاده

ريفين .. من اقوى المحاربين في المملكه وقتل في مهمة مفاتيح سجن الوحوش ... وروحه في خاتم سمر




.. شخصيات مهمه في القصه ..

أراغون .. ملك البشر الاول ومن اقوى الملوك في كل العوالم

رع .. اللي اعاد بناء مصر بعد حرب الدمار الاولى

انوبيس .. ملك العالم السفلي اللي عمله الملك اراغون

فارازون .. ملك العالم رقم ٦٠٧ واللي عرف الفرعون على مجلس حكم العوالم





...شخصيات جديدة في القصة ...

عالم السحر والمعروف بإسم هيرا

الملك روي .. حاكم عالم السحر

كاي .. صانع العوالم وملك العالم رقم صفر

ميرفولك .. قائد المسافرين الاوائل

سولي .. حفيد ميرفولك ، واللي كان بيظهر لتيريون

ليلي .. قائدة فرقة ذا ويند

..عالم القوة والمعروف باسم أديري..

ذا بلاك ون .. ملك عالم القوة وسيد الكون

بوسايدن .. قائد العالم المائي وقائد اسطول الحرب

ليشي .. سيدة الغزوات وقاتلة العوالم

هايدس .. ملك عالم الجحيم


==================================================================================================

ملخص الاجزاء اللي فاتت



وقفنا في السلسلة الرابعة لما فارازون ظهر للفرعون في عالم الاحلام وعرفه كل حاجه هو يعرفها عن عالم الظلام والملك بيغاسوس .. وده كان من اسباب انتصار الفرعون على بيغاسوس وطرده من مملكة ڤالينور .. وبعدها الفرعون راح لفارازون علشان يعرفه بمجلس حكم العوالم .. وعرف بعد كده ان بيغاسوس كان عاوز يحتل العالم بتاع الفرعون علشان العالم ده موجود فيه سر مكان سجن الوحوش .. والسر ده كان محفوظ بداخل كتب اراغون ملك البشر الاول .. وهنا الفرعون خد فرقته الاصليه ورجع في الزمن وجاب الكتب دي .. وعرف من الكتب ان كاي او الملقب بصانع العوالم .. بنى سجن للوحوش وعمل ليه ٧ مفاتيح ، وخفى المفاتيح دي في عوالم مختلفه .. وهنا الفرعون عمل خطة كبيرة وقسم فرقته علشان يجيبوا المفاتيح دي قبل بيغاسوس .. وفعلا وصلوا للمفاتيح ولكن بيغاسوس كان ليه جاسوس في وسطهم ، واثناء الرحلة بتعتهم قتل فيها يارين الساحر الازرق وكذلك سكاي وريفين .. وبعد رجوعهم بالمفاتيح عملوا خطة للحرب العظمى ، وعملوا اجتماع حرب موسع للعوالم الموازيه كلها ، وفعلا حرب النهاية قامت ومات فيها ملوك وجيوش كتيره ، واتبقى الفرعون وفرقته وبعض الملوك وقصادهم بيغاسوس ومساعده فولدمورت ، ولكن الفرعون استعمل مفتاح التحكم في العقول وقدر يحرر بيغاسوس من الديمنتور اللي كان متحكم في جسمه ، ولكن الديمنتور قدر يخدع الفرعون وعمل تعويذة موت على مونيكا وخد المفاتيح كلها وراح لسجن الوحوش ، وهنا الفرعون فقد السيطره على نفسه وظهر كيان تاني متحكم فيه ، واثناء الكلام ده ظهرت روح الفرعون داخل عالم الاحلام وظهر ليه الملك اراغون وعرفه ازاي يرجع لجسمه ولكن من خلال تضحيه لازم يعملها المختار بنفسه ، وهنا الفرعون رجع لجسمه وشاف الديمنتور بيفتح سجن الوحوش ، والوحوش اتحررت وهتدمر العوالم كلها ، وهنا الفرعون عمل ختم اوريكالكوس واختفى هو وكل الوحوش من العالم كله


==================================================================================================



الجزء الاول / الاجنحة المكسورة



في مكان غريب يشبه السفن الحربية ، يعم الهدوء والتوتر الاجواء ، وتعلو اصوات الانفاس في اضطراب ، ويقطع الصمت شخص ملثم يقذف حجر من احجار القوة في الهواء ويكرر الحركة مره اخرى ومره اخرى وهكذا ، ويجلس امامه في قلق شخص يعتقد انه قائد اسطول السفن

شخص ( بتوتر ) : انت بتلعب بالحجر كده ليه ، انت مش عارف الحجر ده بيعمل ايه

الملثم بهدوء : يعني لو انا مش عارف القيمة بتعته ، كنت جيت هنا برجلي ، وعرضت نفسي للموت .. فكر في اللي بتقوله يا بوسي

الشخص بانفعال : ايه بوسي دي ، شوف انت بتكلم مين
( ولسه هيقف ، ولكن الملثم مسك الحجر وده ادالة قدرة انه يتحكم في الشخص اللي قدامه ورزعه على الكرسي بتاعه )

الملثم : ايه مش عجباك بوسي دي ، خلاص متزعلش

الشخص بغضب : انت عايز ايه تاني ، مش خدت اللي انت عاوزه

الملثم بطمع : قصدك على الحجر ده

الشخص : اه قصدي على الحجر ده ، انت مش عارف فيه كام مليون واحد مات قبلك بسببه

الملثم : لا طبعا عارف ، وعارف كمان انه السبب في تحديد شكل العالم كله دلوقتي ، ولا ايه يا بوسايدن

بوسايدن بصدمه : انت عرفت منين الكلام ده

الملثم : مش مهم انا عرفت منين ، المهم انا هعمل ايه بالحجر ده

بوسايدن بلهفه : هتعمل ايه

الملثم بشر : هوحد العالم من تاني

بوسايدن بضحكه عاليه : كان غيرك اشطر ، هو محدش حكالك وانت صغير كام واحد فكر في كده

الملثم : كتير ، كتير اوي كمان

بوسايدن : اومال عايز تعمل كده ليه وانت عارف اخرتها

الملثم بشر : علشان انا مش هعمل كده لوحدي

بوسايدن بقلق : اومال هتعمل كده مع مين

الملثم : لازم اسطورة المحارب الاعظم تتكرر تاني

بوسايدن برعب : ااانت ، ااانت عرفت الكلام ده منين

الملثم بشر : مش مهم منين ، بس المهم انك الاول فيهم ، ( وبيظهر عليه هالة نار وظلام مرعبة )

بوسايدن برعب : انت ميييين

... واثناء الحوار اللي بينهم كانت فيه واحده بتتصنت عليهم ، واول ماشافت الملثم بيتحول للهيئة المرعبه دي خافت ورجعت لورا خطوه ، ولكن وهي بترجع وقعت رمح كان متعلق وعمل صوت ، وهنا بوسايدن والملثم بصوا عليها ، والملثم اول ماشافها رجع لطبيعته تاني ، وبوسايدن خد الفرصه واختفى من قدامه ...

البنت برعب : اااانت ، اانت ازاي كنت قاعد قدامه كده

الملثم : مش وقت كلام هنا ، يلا بينا قبل مايرجع ومعاه الهيلهاوند ، انت جيتي ازاي هنا صحيح

البنت : سولي اللي جابني هنا

الملثم : والزفت ده راح فين

البنت : بيراقب المكان بره

الملثم : طب تعالي معايا بسرعه ، يلا يا ليلي بسرعه ( ليلي يا عزيزي مش ليلى فيه فرق في النطق )

.. وفعلا الملثم خد ليلي وراح يدور على سولي ، واتفاجئ ان فيه جنود بيحاولوا يقتلوا سولي ولكن مش عارفين علشان سولي عنده قدرة الانتقال من مكان لتاني بسرعه رهيبة ، وسولي اكنه كان بيلعب معاهم ، يعني بيختفي ويظهر ورا جندي منهم والجنود التانيه بيفتحوا النار عليه ودى بيأدي لموت الجندي ده ...

الملثم ( من بعيد ) : هو بيلعب معاهم ، انتو مش عارفين احنا فين

ليلي : لا عارفين ، انت بقى ايه اللي جابك هنا

الملثم : قولتلك مش وقته
... وها الملثم بيمسك حجر دارتز كان معاه قبل كده ( احجار دارتز عباره عن احجار سحرية ، بتساعد اللي ماسكها في صنع تعويذات جبارة ، والاحجار دي نادرة جدا )

الملثم بلغة السحر : ڤيجا

.. واول ماقال كده طلع من الارض سلاسل نار سحبت كل جنود بوسايدن وفعصتهم ، وفي اللحظة دي سولي اختفى وظهر عندهم ..

سولي : انت عملت كده ازاي

ليلي : انت جبت الحجر ده منين ، ده مفيش غير ملوك العالم بتعنا اللي معاهم احجار الدارتز بس

الملثم : هعرفكم بعدين ، يلا بينا بس قبل ما بوسايدن يرجع

ليلي : رجعنا يا سولي بسرعه

.. وهنا سولي مسك ايديهم وبيحاول ينقلهم بس معرفش ..

سولي بخوف : انا مش عارف اتنقل

ليلي بصدمه : ازاي

الملثم بقلق : كده بوسايدن رجع

ليلي وسولي برعب : وهنعمل ايه
.. وهما بيتكلموا ظهر في ساحة السفينة بوسايدن ومعاه الهيلهاوند ( عبارة عن كلب الجحيم ، مانع السحر ، صائد المسافرين الاوائل ، قائد الوايلد هانت )

بوسايدن : قولتلك الحجر اللي اخدته هيرجع بس بموتك

الملثم بهدوء : انت فاكر الكلب اللي معاك ده هيوقفنا ، تبقى عبيط

بوسايدن : انت اللي مغفل ، الهيلهاوند وظيفته الوحيده اللي معمول علشانها هي حماية الملوك التلاتة ، وانت هددت واحد فيهم ، يبقى كده لعبت في عمرك

ليلي : هنعمل ايه ، ( وسولي مسك ايديها وخايف جدا )

الملثم : هنحارب طبعا
.. وهنا الملثم مسك ليلي وسولي وجري على بوسايدن ، والناحية التانية الهيلهاوند جري عليهم والارض بتولع من تحته ،وهنا سولي وليلي صوتوا جامد

ليلي : انت بتعمل اييييييييه
.. ولكن مره واحده الملثم بيفتح بوابة انتقال من العدم وبيدخل فيها هو وليلي وسولي وبيقفلها بسرعه ، وبوسايدن واقف مزهول من اللي حصل ..









في فيلا مي .. بعد مرور سنتين من احداث معركة سجن الوحوش

داخل غرفة سمر ، كان السكوت بيعم الجو ولكن سمر كانت قاعدة بتعيط ، ولكن قطع الصمت ده ظهور الفرعون ليها من تاني

سمر بلهفة : ولييد ، انت رجعت ياحبيبي ( وخدته بالحضن )

وليد : انا اسف يا سمورتي ، انا اسف علشان بقالي فترة مجتش ليك

سمر : متتأسف ياحبيبي ، محدش بيتأسف لأمه ، وحشتني ياروحي قوي

وليد : وانتي اكتر ياسمر ، بس انتي قاعدة بتعيطي ليه

سمر : علشان انت وحشتني وكنت عاوزة اشوفك ، وبعدين تعبت خالص من اللعبة اللي عاملينها عليهم دي

وليد : معلش يا حبيبتي هي فترة وهتعدي

سمر : يعني هترجع لحياتك تاني ياحبيبي

وليد : مقدرش اوعدك يا أمي ، مقدرش اعرضكم للموت من تاني

سمر : يابني ماتقولي ايه اللي انت بتحاربه ، ماممكن نقف معاك ونخلصك منه

وليد : متشليش همي ياسمر ، هي فترة وهتعدي ، وذي مقولتلك لو عايزة تشوفيني قولي لتيريون بس وهو هيوصلي بسهوله

سمر : يعني انا مش عارفه انت مش عاوز تقولهم ليه انك لسه عايش ، ما انت معرفني انا وتيريون اهو

وليد : انا عرفتك علشان انتي امي وكل حاجه ليا ومكنش ينفع اخبي عليكي ، ولكن تيريون عرف بالصدفة

سمر : بالصدفة ازاي

وليد : كان بيحاول يوصلي في مره لما بوابات العوالم الموازية اتفتحت تاني ، وعلشان انا وهو مربوطين بالرباط المقدس قدر يوصلي

سمر : ماشي يا وليد ، اديني ماشيه وراك لحد مشوف اخرتها معاك

وليد : اخرتها اني هرجعلكوا من تاني ، استأذنك انا بقى علشان محدش يحس بحاجه ، واه بقولك بصحيح

سمر : ايه يا حبيبي

وليد : ابقى انزلي اتدربي معاهم شوية ، انا مش عايزك تكوني ضعيفة او لوحدك ابدا

سمر : حاضر ياحبيبي

وليد : اشوف وشك بخير ، سلام








في حصن الفرعون

بيظهر الفرعون في ساحة التدريب وبيلاقي الكل موجود في الساحة

نور : ها عملت ايه

تيريون : طب استني لما مي ترجعني لشكلي من تاني

مي باللغة الرونية القديمة : تا روندا روووم
..وهنا تيريون بيرجع لشكله الطبيعي تاني ..


تيريون : انت اللي هتعمل كده المره الجاية ، انا مكنتش هستحمل العياط بتعها وكنت هعترف بكل حاجه

تشارلي : خلاص ياد ميبقاش قلبك ضعيف كده

تيريون : يعم انا قلبي كان هيقف وهي بتقولي مش هترجع تاني ياوليد

نور : معلش يا تيريون هي فترة وتعدي

تيريون : ياستي اسكتي ، ام الكلمه بتعتك دي لزقت في لساني وكل شوية اقولها

سلمى بضحك : تصدق كلمة بتنرفز فعلا

نور : بقى كده يا سلمى ، طب ايه رأيك ان هيكون ما بينا قتال النهارده

سلمى : وليه النهارده ، دلوقتي لو تحبي

مي : بس انتي وهي ، معلش ياتيريون

تيريون : لا متتأسفيش ، احنا كلنا وفقنا على كده ، حد فاكر وفقنا ليه

غاده : علشان سمر كانت هتنتحر لو مشفتش وليد قدامها

تيريون ( بيهمس لتشارلي ): هي مونيكا فين

تشارلي : هتكون فين يعني ، في الدور x

تيريون بقلق : هي لسه هناك ، ده الفرعون بنفسه مقدرش يقعد فيه اكتر من ساعتين

تشارلي : اهي بقالها كام ساعه ومش عاوزه تطلع








في قبو احد البنوك في الصين

احمد : بسرعة يازفته ، بسرعه

كيرا : يعم اهدى شوية ، محدش يعرف اللي احنا هنا

احمد : بقى على اخر الزمن اسمع كلامك واسرق

كيرا : ماتنشف شوية يلا ، مش انت اللي قولت عايز اعمل مغامرة جديدة

احمد : وهي دي المغامرة في تفكيرك ، يرحمك يافرعون ، ده لو عرف باللي احنا بنعمله ده هيصحى من الموت

كيرا بحزن : ياريت يا احمد ، ياريت اشوفه تاني

احمد : يادي المصيبة ، انا كان لازم افكرك بيه يعني ، انا اسف يستي ، اخلصي بقى علشان هنتمسك

.. وفي الناحية التانية من الطرقة كانت فيه دورية بتمر على الخزنة ، وكانوا في طريقهم لاحمد وكيرا ..

احمد : يخربيتك يا احمد ، وقعت ومحدش سما عليك

كيرا : ايه فيه ايه

احمد : الحكومة كبست علينا ، يلا نهرب بسرعه

كيرا : طب ايه رأيك بقى انا مش متحركة من هنا غير وانا فاتحة الخزنة دي ( وقعدت تكتب اكواد على اللاب بتاعها قدام باب الخزنة )

.. وهنا الدورية قربت منهم جامد ، ومن خوف احمد ، مسك باب الخزنة وهبد برجلة جامد فكسر القفل الكبير ، وهنا الدورية سمعت الصوت وجريت عليهم ، واحمد شال كيرا على ضهره وجري هو كمان ، وفضل يعدي من الجدران لحد مطلع من البنك ..

احمد : يخربيتك كنتي هتودينا في داهية و ادينا طلعنا من غير ولا حاجه

كيرا : ومين اللي قال كده ( وبتمسك الماسة كوهينور )

احمد بصدمة : ختيها امتى دي

كيرا : عيب عليك ، هو انت طالع مع لص مبتدأ ولا ايه

.. ولكن وهما بيتكلموا سمعوا صفرات الانذار ، وشافوا طيارة هيلكوبتر بتنور عليهم ، وعربيات الشرطة محصراهم من كل حته ..

احمد : عجبك كدا ادينا اتمسكنا

كيرا بابتسامه : مين اللي قال كده

ومره واحده بترمي قنبلة دخان ، بتغطى المنطقة كلها ، وبتفتح بوابة انتقال وبيدخلوا فيها بسرعة










قسم ألفا .. المخابرات العامة

خيري : بس الكلام ده مينفعش نسكت عليه

شروق : ياخيري اسمعنا ، طالما حصن ڤيلن شال ايده من الموضوع ده يبقى مستحيل بإمكانياتنا دي نقدر نسيطر على الوضع

ميادة : شروق عندها حق يا مستر خيري

خيري بغضب : طب انا عايز افهم ازاي بنجامين سنو يسكت على الموضوع ده

مياده : وتفتكر انهم ليهم نفس يعملوا اي حاجه من بعد موت الفرعون ، ده كان القائد والملك اللي الحصن كله اتعمل علشان يعمل واحد زيه

خيري : بس الفرعون مكنش يحب ان الحصن الكبير يقف يتفرج على العالم كده والرؤساء بيعلنو الحرب على بعض

شروق : بقولك ايه خلينا نفكر في بديل احسن

ميادة : وتفتكري مين هيكون بديل حصن ڤيلن

شروق : حصن الفرعون طبعا

خيري : ويعني هما مش تبع ڤيلن برضه ولا انا غلطان

شروق : على حسب علمي ، الفرقة مرجعتش حصن ڤيلن من ساعة اللي حصل

خيري : ومين المسؤول عليهم

شروق : اعتقد الفهد

خيري : خلاص حضريلي معاد معاهم وانا هكلمهم بنفسي










حصن ڤيلن

بيظهر الحصن الكبير ، وبيعم الاكتئاب الاجواء ، والكل عنده حالة لا مبالاة

فاير : هي دي اخر المستجدات يا مستر سنو

سنو : طب اتفضل انت يافاير

فاير : طب وهنعمل ايه في الدول اللي اعلنت الحرب على بعضها دي

سنو بيتعصب : قولتلك روح انت يافاير ، اطلع برررررره

.. وفعلا فاير بيخرج وراسه في الارض ، وبيقابل الفهد وهو خارج ..

فاير : ايه اللي جابك هنا ، مش انتو اتخليتوا عنا في اصعب وقت كنا محتاجينكوا فيه

الفهد : للأسف هتفضل طول عمرك بتفكر غلط

فاير : بفكر غلط في ايه ، غلطت في ايه انا يعني علشان تتخلوا عننا ، غلطنا في ايه احنا علشان تدونا ضهركم ، قولي يا فهد ، قولي ياقائد

الفهد ( بدموع مستتره ): وانت كنت مفكر اننا هنقدر نرجع تاني والفرعون مش معانا ( وهنا الدموع ملت عينه ) كنت مفكر اننا هنرفع راسنا ونبص في عنيكو ، لا يافاير ، انت غلطان ، زي ما حنا كلنا غلطانين ، ودم الفرعون لحد النهارده مش عارفين ناخده

فاير : هناخده من مين ، الفرعون هو اللي ضحى بنفسه ، فوقوا من اوهامكوا بقى ، ادخل للقائد جوه على أمل انك تفوقه ، العالم بيولع واحنا ولا في دماغنا ( وبيسيبه ويمشي ، والفهد بيدخل لسنو )

سنو : عايز ايه يافهد

الفهد : عاوزين نرجع لعقلنا تاني ، عاوزين نلحق الدنيا قبل ما الحرب تقوم

سنو (بيتجاهل كلامه ): انت شوفت البلورة دي قبل كده

الفهد بيجاريه : انت بتقول ايه

سنو : البلورة دي كانت في مقبرة الملك اراغون

الفهد باندهاش : ولقتها ازاي

سنو : مش مهم ازاي ، المهم انها لسه وصلالي من كام يوم

الفهد : وبتعمل بيها ايه

سنو : بالبلورة دي ممكن نلاقي الفرعون من تاني

الفهد : ازاي

سنو : انت فاكر لما ربطت الفرعون بمونيكا وتيريون وتشارلي عن طريق الرباط المقدس

الفهد : ودي حاجه تتنسي ، طبعا فاكر

سنو : هنا بقى انا عايز تيريون او تشارلي علشان اخد ددمم منه ونضيفه للبلورة ونقدر نحدد مكان الفرعون

.. الفهد مستناش وعمل بوابه ودخل فيها وجاب تيريون وتشارلي من قفاهم ، وجرح تيريون من دراعه وخد الدم واداه لسنو ، و سنو خد الدم وعمل سحر عليه وضافه للبلورة ..

الفهد : ها وبعدين

سنو : هنستنى لحد ما الدم يتجمع في نقطة ويحددلنا مكانه في العالم

تشارلي : بس الفرعون لما اختفى مكنش في نطاق العالم ده

سنو : وعلشان كده البلورة دي كان بيستخدمها الملك اراغون

تيريون باندهاش : الملك اراغون

سنو : ايوا ، الملك اراغون كان بيستعملها علشان يحدد مكان الملوك والوحوش في كل العوالم الموازية

تيريون : طب والتعويذة بطيئة كده ليه

تشارلي : عليا الطلاق لو هتقعد سنه منا متحرك من مكاني ، اخيرا هنلاقيك ياخويا








مملكة ڤالينور

.. بيظهر حاكم المملكة اللورد عزيز ، ومعاه الملكة استيلا ، وهما بيلفوا حوالين المملكة بعد ما اعادوا بناءها بعد حرب الدمار اللي حصلت فيها ..

استيلا : تفتكر ياعزيز الناس ممكن تنسى اللي حصلهم

عزيز : احب اقولك بخبرتي اللي اكتسبتها خلال القرون الطويلة اللي عشتها ، ان الناس مش بتنسى ابدا الظلم او القتل اللي اتعرضوله ، وده احسن حاجه ممكن تحصلهم

استيلا : ازاي يعني ، ده المفروض ان النسيان شئ مفيد وبيريح العقل والبال

عزيز : لو الواحد نسي سبب موت حد قريب منه وعزيز عليه قوي ، تفتكري انه ممكن يعمل حسابه ان اللي عمل كده ممكن يرجع تاني ويقتله هو شخصيا

استيلا : لا ، طالما نسي فأكيد مش هيعمل حسابه

عزيز : وعلشان كده النسيان مش حاجه حلوه في الموضوع ده بالاخص ، شايفه بياتريكس لسه بتدرب ازاي بعد كل الوقت ده ( وبيشاور على بياتريكس وهي بتدرب في ساحة المدينة )

استيلا : تصدق انا متدربتش من زمان ، انا هروح اتدرب معاها شوية

.. وهنا استيلا بتتحول لهيئة ملكة النور وبتطير لساحة التدريب ، واول ما بياتريكس بتشوفها بتعمل برق زي الرصاص وبتفضل تضربها ، ولكن استيلا عملت درع من النور ، وزودت النور جامد لدرجة ان بيا غمضت عنيها ، وهنا استيلا عملت كور نار ورمتها على بيا ، ولكن بيا فتحت عنيها بسرعه واتشقلبت لورا والكور نزلت على الارض فحمتها ..


استيلا : ماشية كويس في التدريبات

بيا : انتي شايفه اي

استيلا : لا انا شايفة تطور كبير

بيا : انا بس محبتش اعورك يا ملكه










عند ليلي وسولي والشخص الملثم

..بيظهروا داخل احد الغرف من بعد هروبهم من بوسايدن ، وهنا ليلي وسولي بيطلبوا منه يفهمهم عمل كده ازاي ..

ليلي : ما انا مش همشي من هنا غير لما اعرف عملت كده ازاي

سولي : اذا كنت انا اللي هو حفيد قائد المسافرين معرفتش انقلنا ، تقوم انت فاتح بوابه وتنقلنا بالسهولة دي ، اعترف عملت كده ازاي بدل ما اقول لجدي حالا

الملثم : عايز تبلغ عني يا سولي ، مش انت اللي عمال تقول طول الوقت انك صاحبي

سولي : لا دي حاجه ودي حاجه تاني

الملثم : خلاص انا مش متكلم غير لما تقولي انا مين ، وازاي انت كنت تعرفني قبل كده

سولي بتوتر : ما انا قولتلك مينفعش حد مننا يقولك انت مين ، لازم تعرف بنفسك علشان قوتك الحقيقية تظهر

الملثم : خلاص شوف بقى مين اللي هيقولك انا فتحت بوابة ازاي

ليلي ( بتحط سكينة على صدره ) : اعترف ياد بدل ما اوديك بنفسي للملك روي

الملثم : كده يا ليلي ، كده يا حبيبتي تعملي فيا كده

ليلي بيصعب عليها : خلاص ، بس هتحكي كل حاجه

الملثم : حاضر ، روح انت بقى يا سولي علشان الليل دخل علينا وعايزين ننام

سولي : انت مفكرني عيل علشان تضحك عليا ، فوق يابا وشوف انت بتكلم مين

الملثم : انت عندك كام سنه ياد علشان تتكلم كده

سولي : ١٢ سنه يا صاحبي

الملثم : وكمان ١٢ ، طب بقولك ايه روح هات لنا شاي ام حسن وابقى تعالى

سولي : خلاص ماشي ، هات فلوس

الملثم : بقى حفيد قائد المسافرين بيقول ليا انا هات فلوس

سولي : متكترش في الكلام ، هات فلوس اخلص ( فابيديله وبيمشي )

ليلي : انا مش عارفه انتو ايه قط وفار

الملثم : تعالي معايا يا ليلي وانا هحكيلك كل حاجه انا عارفها

.. وبياخدها وبيطلع على سطح المبنى ، وبنشوف العالم اللي هما عايشين فيه ، عباره عن مدينة كبيره جدا ، والمباني فيها شبه ناطحات السحاب بتاعت المستقبل ، والعربيات بتطير فيها ، وفيه شمسين منورين العالم كله ، ولكن بيشوه المنظر ده جدار كبير معمول من الظلام في وسط الفضاء ، فاصل عالمين عن بعض ..


ليلي : احكي بقى يا سيدي

الملثم : اولا اللي اعرفه ان اسمي .....









حصن ڤيلن

بعد مرور ساعات على التعويذة ، الدم بيتجمع في نقطة واحده وبينور باللون الاحمر ، الكل كان نايم وقتها ، ولكن تيريون بيصحى بكابوس ، وبيشوف النقطة الحمرا داخل البلورة

تيريون بفزع : اصحووووووا ، الفرعون عايش

تشارلي بفرحه : الفرعون عايش ، الفرعون عايش

سنو : استنوا بس ، فيه حاجه غلط

تشارلي : ايه الغلط بالظبط

سنو : النقطة دي المفروض متكونش هنا

تيريون : هو هنا ايه اصلا .....










حصن الفرعون

.. بيظهر تيريون داخل الدور x ، وبيجري على مونيكا اللي الدم كان بينزل من كل حته في جسمها ..

مونيكا بنظرة شر : امشي من هنا يا تيريون

تيريون بتوتر : احنا حددنا مكان الفرعون

.. وهنا مونيكا بتدخل في حالة هياج وبتعمل سهم ناري عملاق وبتضربه وبتدمر الدور كله ..

مونيكا بعصبية : قولي مكانه حالا

تيريون : ما هو ده الحاجه الغلط ، المفروض المكان اللي هو فيه ده مش موجود اصلا

مونيكا بصدمه : ليه ، هو فين

تيريون : في العالم رقم .......





====================================================================================================

وحشتوني اوووووووي ، وعارف ان السلسله اتأخرت بس مش بأيدي ، ادعو للجيش بقى 😅

توقعاتكم كالعاده

مين هو الشخص الملثم 😅😅

وايه هو المكان اللي فيه الفرعون

وهل هيكون فيه حروب تاني ولا خلاص

... ملحوظة ، معلش الاجزاء هتتأخر في التنزيل يعني كل جزء ممكن يكون كل ٣ اسابيع وده مش بأيدي تاني ...

سلاااااااااااااااام من الفرعون

===================================================================================================

الجزء الثاني / ذكريــــات مضــت


في مكان مدمر يشبه ساحة حرب سابقة ، يجتمع اكثر الملوك قوة في الكون ، وكان اول من حضر منهم هو بوسايدن ( ملك الاسطول الحربي لجيش عالم القوة واقوى اسطول في الكون )

وجاء بعده هايدس ( هو ملك عالم الجحيم وثاني اقوى ملك في عالم القوة )

بوسايدن : واو ، اول مره تيجي في معادك مظبوط
هايدس : مكنش ينفع اتأخر ، خصوصا بعد الرسالة الخطيره اللي بعتها لينا ، هو اللي انت بعته ده فعلا حصل
بوسايدن : حصل واكتر مما تتخيل
هايدس : احنا غلطنا زمان لما سبناهم
بوسايدن : هو كان في ايدينا حاجه نعملها ومعملنهاش
هايدس بضحكة شر : لا من ناحية عملنا ، فاحنا عملنا كتييير

وبيقطع كلامهم صرخة مدويه قادمة من السماء السوداء

بوسايدن : يخربيت صرختها ، اديها حضرت
هايدس : مكنتش اتوقع انها تيجي ، بعد كل السنين دي
بوسايدن : طبعا لازم تيجي ، الاجتماع اللي احنا هنعمله ده ممكن يؤدي لرجوع الحرب مع كوكب هيرا من تاني ، ودي لما بتصدق

وبتنزل من وسط السحاب الاسود في هيئة نيزك محترق ، وبتضرب الارض من تحتها ، وبتقف ليشي وبتروح ليهم ( ليشي هي سيدة الغزوات في عالم القوة ، وبتمتلك ثالث اقوى احجار الكوارتز للقوة )

بوسايدن بضحكة : لازم تعملي قلق كل مره بتيجي فيها ، متيجي على طول ، مش لازم استعراض القوة ده
ليشي بابتسامه : بقالنا كتير فشخ متقبلناش يا بوسي
هايدس ( وقع على الارض من الضحك ) : هههه ، ايه بوسي دي ، ملك اقوى اسطول بحري في الكون بقى اسمه بوسي
بوسايدن بغضب : انت عرفتي منين الاسم ده
ليشي : هو انت فاكرني نايمه على وداني ، ( وبتتمشى حوالين بوسايدن ) انا عارفه كل حاجه بتحصل وهتحصل في الكون كله
هايدس بيقاطعها : طب طالما ليكي عنين في كل حته كده ، معرفتيش ازاي انهم هيهاجموا بوسي وياخدوا الحجر منه
بوسايدن بيشخرلهم : خخخخخخخ ، هو فيه ايه منك ليها ، طب عليا الطلاق لو سمعت حد بيقول الاسم ده تاني لهقتله بنفسي
هايدس بجدية : انت بتشخر ليا انا وبيطلع رمحه ( عباره عن رمح وليه شفرتين )
بوسايدن : بقى كده طيب ، وبيطلع رمح ترايدنت ( رمح بثلاث شفرات ومن اقوى الاسلحة الحربية في الكون )
ليشي : هي جت عليا انا طيب ، وبتطلع رأس ميدوسا

وكل واحد فيهم بياخد وضع الهجوم ، ولسه هيبدأو طحن في بعض ، ولكن بيسمعوا صوت اشبة بالموت قادما من السماء .. ومره واحده بينزل في وسطهم دخان اسود في هيئة اعصار مدمر ، بيطيرهم عن بعض ، ولكنهم اتعدلوا بسرعه وانحنوا ليه

التلاته : احنا اسفين يا جلالة الملك
ذا بلاك كينج : بعد كل السنييييين دي وبرضوا لسه مش طايقين بعض ، يخساره
بوسايدن : ما هما اللي غلطوا فيا
هايدس : انا مغلتطش فيك ، ليشي اللي غلطت
ليشي : ما هو السبب ، حتة عيل خلاك زي الشرموطة وخد منك كرامتك
ذا بلاك ون بغضب : باااااس ، مش عايز اسمع صوت حد فيكم ، وانت يا زفت مين اللي عمل فيك كده
بوسايدن : معرفوش ، انا اول مره اشوف الشخص ده
ذا بلاك ون : ازاي متعرفوش ، حاول تقنعني ان فيه واحد ظهر من العدم وسرق حجر الديميترا منك من غير ميعرفك ( حجر ديميترا هو تاني اقوى احجار القوة في الكون )
بوسايدن : ايوا زي مقولت لجلالتك كده ، انا اول مره اشوفه ، ومعرفش ازاي اصلا قدر يقف قدامي ، انا كنت ساعتها عامل حقل طاقة حواليا كان ممكن يقتل الملك روي ذات نفسه ( الملك روي هو ملك عالم السحر )
ذا بلاك ون : يعني انت بتقولي ان فيه شخص عايش في الكون بتاعي اقوى من الملك روي ، طب ازاي ، وانتي نايمه على ودانك ولا ايه
ليشي : لا يا جلالة الملك ، الشخص اللي بيقول عليه بوسايدن ده مجاش من اي مكان في الكون اللي تحت سيطرتنا
هايدس : يبقى مفيش غير مكان واحد بس
ذا بلاك ون بتشاؤم : عالم هيرا







في عالم هيرا ، او عالم السحر

ليلي : احكي بقى يا سيدي ، كلي أذان صاغيه
الملثم : ماشي هحكيلك كل حاجه ( وبيشيل الغطا من على وشه ، وبيظهر لينا الفرعون )

( انا شكلي فقدت القدرة اني اضحك عليكم ولا ايه 😅 ، بس برافوا عليكو كلكو ، واوعدكم المره الجايه محدش هيعرف يجيب اللغز 😅😅 )

الفرعون : بصي يا ستي ، كل اللي انا فكره هو

فلاش باك ، قبل سنتين

بيظهر الفرعون من العدم في وسط ساحة للتدريب ، وكان فيه بعض من الشباب والبنات والمحاربين بيتدربوا سوا ، واول ما شافوا الفرعون مرمي على الارض والدم مغطيه ، جريوا عليه على طول ، وكانت ليلي في مقدمتهم

شاب ١ : مين ده
بنت ١ : انا اول مره اشوفه
شاب ( قاعد بعيد ولا يكترث ) : اكيد ده الشاب الجديد اللي قال عليه المدير امبارح
ليلي : وانت عرفت منين ياعم لوكي
لوكي : بصي على الجروح اللي في جسمه وانتي تعرفي ، ده اكيد لسه ناجح في اختبار العالم بتاعه
ليلي : طب ابعدوا شويه خليني اعمل عليه تعويذة استشفاء
لوكي : سبيه يموت احسن ، ده اكيد شخص ضعيف علشان يقعد الفترة دي كلها من غير ما يخلص اختبار العالم بتاعه
ليلي : قولتلك اسكت ، وعملت التعويذة
ليلي بلغة سحرية : فرونن
وهنا الفرعون صرخ جامد والجروح بتعته بقت تنزف اكتر
ليلي بصدمه : ازاي ، ازاي التعويذة مشتغلتش عليه
لوكي وقف باندهاش : اممم ، ده شكلها احلوة اوي
ليلي : ساعدوني بسرعه ننقله لجناح الاستشفاء
وفعلا خدوه على الجناح


بعد عدة ايام في جناح الاستشفاء
بيفوق الفرعون وبيفتح عينه ، وبيلاقي نفسه على سرير داخل غرفة مقفوله عليه ، فبينزل من على السرير وبيفتح الباب ، ولكن الباب بيتفتح على عالم مظلم وبيسمع صرخات ناس بتموت ، وبيشوف دخان اسود طاير في السما وبيشفط الارواح كلها ، وشاف من ناحيه تانيه سيدة الغزوات ليشي وهي ماسكة رأس ميدوسا وبتجمد جيش كامل كان بيحاربها ، ومن ناحية تالتة شاف بوسايدن ومعاه رمحه الثلاثي وهو بيغرق العالم كله في الميه السودا ، ولكن كلهم وقفوا مره واحده وشافوا الفرعون من بعيد فاتجهوا ليه بسرعه ، وهنا الباب قفل بسرعه وطير الفرعون للسرير من تاني ، ومره واحده الباب اتفتح تاني ، والفرعون صوت من الرعب

ليلي : ايه في ايه ، انت مجنون ولا ايه
الفرعون بزعر : ااانا ، اانا شوووفتههم
ليلي : شوفت مين ، وبتروح ليه ، وبتطبطب عليه ، اهده مفيش حاجه ممكن تأذيك هنا ، قولي بقى انت مين وجيت هنا ازاي
الفرعون : اانا ، اانا مين
ليلي : اه اسمك ايه يعني
الفرعون : انا معرفش انا مين ، ولا جيت منين ، انا مش فاكر حاجه خالص
ليلي : يبقى انت فعلا اللي مدير أكاديمية السحر قال عليه
الفرعون : قال ايه ، ومين المدير ده
ليلي : متقلقش هو مسافر حاليا ، اول ما يرجع هتشوفه على طول


أكاديمية السحر ، بعد مرور كام يوم
ليلي : باس ياسيدي ، هي دي كل الأكاديمية
الفرعون : ايه ده ، دي كبيره اوي ، انت اكيد قعدت كتير لحد محفظتي كل مكان فيها زي ماورتيني
ليلي : ماتخفش هتتعود عليها على طول ، يلا بقى بينا على ساحة التدريب علشان اعرف مستواك
الفرعون بقلق : تعرفي مستوايا ليه
ليلي : علشان ده هيخليني اعرف هتدخل اي مرحلة في التعلم
الفرعون : ماشي يلا بينا

وفعلا دخلوا ساحة التدريب وكان موجود فيها لوكي وكام محارب تانيين بيتدربوا
لوكي : انتي ازاي تدخليه ساحة التدريب من قبل ما يدخل الأكاديمية او حتى من قبل ما المدير يشوفه
ليلي : اظاهر انك نسيت انت بتتكلم مع مين ، فوق لنفسك يا لوكي
لوكي : لا مش هفوق انت اللي تفوقي ، انت ختيها مره مني بالغدر بس مش هتخديها تاني ، انا بتحداكي في قتال مباشر
ليلي بابتسامه : وانا قبلت التحدي

وفعلا بيروحوا هما الاتنين لنص الساحة وبيستعدوا للقتال

الفرعون : هما كان بيتكلموا عن ايه ، وليه هيعملوا قتال
شاب ١ : لوكي كان بيتكلم عن منصبة اللي راح وليلي هي اللي خدته
الفرعون : منصب ايه ده
بنت ١ : قائد فرقة ذا ويند ، اقوى فرقة موجوده في عالم السحر
الفرعون : بقى ليلي كسبته قبل كده ، بطلوا هبل ، ده هيفشخها
شاب ١ : انت خايف منه ولا ايه
الفرعون : خايف ، ده انا مرعوب منه ، انت مش شايف جسمه عامل ايه
( اخص عليك يافرعون ، اخلاقك اتغيرت خالص 😅😅)


وفعلا القتال بينهم ابتدا ، ولوكي جري عليها بلمح البصر وضربها في بطنها بالسيف بتاعه ، ولكن ليلي صدت الضربة بسرعه بالرمح بتعها ، وردت الضربة برجليها اليمين بسرعه وطيرته لبعيد
ولكن لوكي وقف ، واتحرك عليها بسرعه وبراعه ، ولكن ليلي كانت واقفة بثبات ، وهنا لوكي ضربها بصاعقة عملاقه بشدة ، ولكن ليلي سحبت الصاعقة كلها ووجهتها ناحية لوكي
ولكن لوكي صدها بسيفه بسرعه ، والصاعقة اتوجهت ناحية الفرعون وضربته جامد وفقدته الوعي

وهنا الفرعون شاف في احلامه بنت جميلة جدا بشعر فضي يتطاير في الهواء ، واترمت في حضنه باكيه
البنت بعياط : إلحقني يا وليد

في الوقت ده في الساحه
ليلي : يخربيت انت هببت ايه
لوكي : هو كان قصدي يعني ، وبعدين ازاي يعني معرفش يصد الهجمه دي
ليلي : اسكت بقى ، انت مش عايز تفهم ليه ، قولتلك ده فاقد الذاكره ، يعني ذينا كلنا اول ما جينا هنا
لوكي : يعني المدير كان عنده حق فعلا ، والشخص ده نجح في الاختبار
ليلي : ايوا ، ساعدني بقى علشان نفوقه

ولكن الفرعون بيفوق بشرقه
الفرعون : موووووونيكا
ليلي باستغراب : مونيكا مين
لوكي بسخرية : قولتلك ده مجنون
ليلي : معلش لوكي مكنش يقصد يا ، احنا لازم نخترلك اسم صحيح لحد ما تفتكر اسمك
الفرعون : وليد ، انا اسمي وليد
الكل بصدمه : ازاي
لوكي : عرفته ازاي ، ده انا قعدت سنتين لحد ماعرفت اسمي
ليلي : وانا كمان قعد اكتر من سنه ونص
وليد : معرفش عرفته ازاي ، بس كل اللي حاسس بيه ان انا وليد
ليلي : وتعرف ايه تاني
وليد بحزن : مفيش ، وسابهم وطلع يجري
لوكي : الشخص ده شكله كده وراه قصه كبيرة جدا
ليلي : عندك حق ، ولازم نعرفها

( الكاتب : ادخلي على موقع نسوانجي وهتلاقي قصته في اربع سلاسل 😅😅 )


بعد مرور كام يوم
وليد : انا زهقت ، التمارين دي صعبة عاليه ومش هقدر اكمل
لوكي : يا روحي ، متحبش اعملك ضوافرك واقعدك جنب الملكه ، انشف ياد وفتح عنيك ، انت في مكان كل اللي في الكون نفسهم يموتوا حرفيا ويكونوا هنا
وليد : بس انا تعبت
ليلي : معلش لازم تدرب علشان ذاكرتك لما ترجعلك تعرف تستخدم قوتك زي ما كنت في العالم بتاعك
وليد : وانا هفضل مستني كتير
لوكي : محدش يعرف ، كله على حسب قوتك وعزيمتك
ليلي : ومتقلقش ، على حسب اللي شوفته منك ، فاممكن تفتكر كل حاجه خلال السنه الاولى ليك
وليد : ازاي
لوكي : علشان اول حاجه بنفتكرها لما نيجي هنا هو الاسم ، وانت افتكرته اصلا ، يبقى اللي جاي امره سهل بالنسبه ليك
ليلي : احنا بقى عايزين نشوف قوتك في القتال عامله ازاي
لوكي : وانا اللي هعمل معاك قتال
وليد بخوف : لا انا عاوز اعمل مع ليلي
لوكي بتحد : هو شغل عيال ولا ايه ، انا بتحداك رسميا في اول قتال ليك ، ( وبيسبه وبيروح لنص الساحه )
ليلي : لازم تقبل التحدي وإلا الرد مش هيعجبك
وليد : لا انا مش هقاتله
ليلي بابتسامة : يبقى الرد مش هيعجبك

ومره واحده بتيجي رياح من العدم وتطير وليد وبترميه لنص الساحه

وجري عليه لوكي بسرعه وفضل يضربه بالبونيات لحد ما كسر ضلعه ، وضربه بالرجل طيره لحد ما خبط في سور الساحه

وهنا وليد شاف لمحه من معركه ليه مع الفهد ، وهو واقف قصاد الفهد والدم بيسيل من جسمه

ولكنه فاق بسرعه واتفاده ضربة لوكي اللي كان حدف عليه رمح خشبي ، وجري ناحية لوكي ومسك رجليه ولسه هيوقعه على الارض ، ولكن لوكي شال وليد من راسه

لوكي : انا مش عارف انت ازاي نجحت في اختبار العالم بتاعك بضعفك ده ، انت مجرد نكرة ، عيل وهيتحسب علينا محارب

وفضل يضربه في بطنه لحد ما كسر ضلوعه كلها ، وضربه بالرجل في وشه طيره لنص الساحه ، ووليد نام على الارض ومش قادر يتنفس والدم نازل من جسمه كله وسنانه متهشمه في بوقه وفقد الوعي

ليلي بصدمه : انت هببت ايه ، انت عايز تموته
لوكي : انا مستخدمتش ربع قوتي يا ليلي ، الواد ده مش هينفعنا ، الاحسن اننا نرجعه للعالم بتاعه قبل ما المدير ييجي
ليلي بحزن : انت عندك حق ، الشخص ده مستحيل ينفعنا

ولكن وهما بيتكلموا وليد كان بيحلم وهو فاقد الوعي ، وليد كان شبح وطاير في عالم سجن الوحوش ، وشاف من بعيد الكيان اللي كان مسيطر على جسمه وهو بيقتل فولدمورت ، وبعدين شاف الفرعون وهو بيعمل ختم اوريكالكوس وخد الوحوش واختفى ، وشاف عياط البنت ذات الشعر الفضي عليه ، فراح ليها ولسه بيلمس راسها ففاق بشرقه وتف الدم من بقه

ووقف وليد ولكن المره دي الكيان كان مسيطر على جسمه من تاني ، وجسمه طالع منه هاله سودا مرعبة ، ومشي ناحية لوكي وليلي والارض بتولع من تحته

لوكي : اديه فاق ياستي ، يلا ناخده ونرجعه للعالم بتاعه تاني
ليلي برعب : اااانت ، ااانت مش شايفه عاامل اازاي
لوكي بص عليه : ينهار اسود ، الواد اتحول للهيئة دي ازاي

وعمل كورة نار كبيرة ورماها على الكيان ولكن الكورة اول ما لمست الهاله السودا اختفت تماما ، وهنا لوكي اترعب ومسك الرمح الذهبي بتاعه ورماه على الكيان ، ولكن الرمح ساح اول ما لمس الهاله برضه

ليلي برعب : ايه ده ، انا مشوفتش كده قبل كده
ليلي بلغة السحر : أليسا ويسكي كليفر

ومره واحده نزل من السما برق احمر شبه الدم على الساحه اللي فيها الكيان ، ولكن ليلي ولوكي عملوا عليهم درع ، والساحه كلها اتدمرت ، ولكن الكيان محصلوش أي حاجه ، وفضل مكمل طريقه ليهم

لوكي : هي دي نهايتي ، لا يلا نهرب بسرعه
ليلي : هنهرب ونسيب الأكاديمية ، ده لو عدانا هيدمرها
لوكي : مش احسن ما نموت ، يلا بيناااا

ولكن بيظهر قدامهم ميرفولك ( قائد المسافرين الاوائل ) ومعاه مدير أكاديمية السحر

المدير : ايه الطاقه اللي ظهرت مره واحده هنا دي
ميرفولك : وازاي حد منكم يستخدم الطاقه في الأكاديمية هنا
ليلي برعب : مش احنا اللي عملنا كده
ميرفولك : اومال مين ، مش انتو اقوى اتنين هنا
لوكي : هو ده ( بيشاور على الكيان )

المدير بص لميرفولك : هو وصل
ميرفولك : يا ميت اهلا وسهلا ، طال غيابه
المدير : يلا بينا ، الحيوان ده هيدمر الأكاديمية
ميرفولك : يلا بينا

وبيمسكوا ايدين بعض وبيضربوا الكيان بشعاع ضوئي عملاق ، ولكن بلا جدوى
ميرفولك : ده طلع اقوى مما تخيلنا
المدير : ولسه انت شوفت حاجه ، وبيفتح بوابة قدام الكيان وبيطير عليه وبياخده وبيدخله فيها ، وبيقفلها وراه

ليلي برعب : مييين الششخص دده
ميرفولك : ده على حسب ما عرفت هيكون منقذنا
لوكي : ده
ميرفولك : ايوا ده ، ده كويس انكم مدخلتوش معاه في قتال
لوكي : مدخلناش ايه ، ده انا كنت هقتله من شويه
ميرفولك بابتسامه : تقتل مين ، كل اللي انت شفته ده كان تسخين بالنسباله
لوكي بيبلع ريقه : تسخين
ليلي : تصدق عندك حق ، كل الرعب اللي احنا فيه ده ومعملش علينا هجمه واحده
ميرفولك : لو كان عملها كنتي زمانك ميته







نرجع من الفلاش باك في حصن ڤيلن
سنو : هي دي خطتنا يشباب ، مش عايزين حد ينفصل مننا ، تمام
تشارلي والفهد : تمام
سنو : هو تيريون فين
تشارلي : مش عارف هو قال خمسه وهيرجع
وبيظهر تيريون مره واحده ومعاه مونيكا
سنو : انت ايه اللي هببته ده يازفت انت
تيريون : كان لازم تعرف ، ودي اكتر حد ليه الحق انه يعرف
تشارلي : مكنش لازم تقولها يا تيريون ، انت كده هتحط ضغط عليها وعلينا كلنا
مونيكا بجدية : ايه خلاص بقيت حمل عليكم ، بس انا هنا علشان هدف واحد ، علشان ارجع الفرعون لينا ، واي اعتراض هسمعه من حد فيكم هقتله بنفسي
سنو : خلاص يخربيتك ، يلا يا زفت انت انقلنا على العالم اللي فيه الفرعون

وفعلا تيريون بيخدهم كلهم على العالم رقم صفر







في قصر مي

نور بغضب : ايوا انتي السبب
سلمى بغضب : لا مش انا ، انتي السبب ، انا هقتلك
مي : باااس ، انت بتهببوا ايه ، انا لو سمعت واحده فيكم هقتلها بنفسي
سمر : هو فيه ايه ، محدش فيكم بقى طايق التاني ليه
غاده بسخريه : ممكن علشان بقالنا سنتين مش عارفين ننسى وليد ، ولا علشان معملناش قتال من زمان
سمر : اخرسي ، وبتضربها بالكف

وهنا مي فتحت بوابه وخدتهم كلهم لعالم بيغاسوس

سمر : انتي جبتينا هنا ليه
نور : علشان الزفته دي هي السبب
سلمى : سبب في ايه ، انت السبب ، انا هقتلك
مي بصوت عالي سكت الكل : كلنا السبب ، كلنا السبب ان وليد يضحي بنفسه علشانا كلنا
نور : واحنا هنا في المكان القذر ده ليه
غاده : علشان هنا بدأت الحكايه كلها ، احنا لو كنا اقويا فعلا مكنش وليد خسر الحرب وضحى بنفسه
سمر : باس منك ليها ، وليد مامتش ، وليد لسه عايش ، وبيجيلي كل فتره يتطمن عليا ويمشي
مي : لا يسمر ، وليد مات ، ابني مات
سمر : مامتش ، قولتلك مامتش
نور : لا يسمر ، انتي لازم تفوقي بقى ، وليد مات واللي بيجيلك ده هو تيريون متنكر في هيئة وليد
سلمى : لازم تفوقي ياسمر وتعرفي ان وليد مات
غاده : وليد انتهى ياسمر ، وليد مات
سمر بصرخة مدوية : لاااااا ، وليد مامتش

وبتطير في الجو وبتضرب قصر بيغاسوس القديم بهجمة عملاقه فبتدمره ، وبتجمع كل قوتها وبتضرب المكان تاني فبتأدي لنسف الارض كلها

مي : انا جبتكم هنا يانور علشان كده ، طلعوا كل الغضب اللي جواكم ودمروا العالم القذر ده نهائيا

وفعلا كل واحده فيهم بتعمل هجمه ورا التانيه وده بيأدي لدمار اغلب عالم الظلام

وبيظهرلهم من خلال بوابه ، الملك فارازون ، اللي كان مخضوض جدا

فارازون : انتوا بتعملوا ايه ، انا فكرت ان فيه حرب قامت تاني هنا
مي : معلش يا فارزون ، البنات بتنفس عن غضبها
فارازون بحزن : هما لسه منسيوش اللي حصل
مي : انت عايزهم ينسوا
فارازون : ينسوا ازاي ، اذا كان انا لسه منستش اللي حصل ، يلا ننضم ليهم

وفعلا فارازون ومي عملوا هجمات معاهم ودمروا الباقي من عالم الظلام








عند ملوك القوة
ذا بلاك ون : عايزكم توجهوا الاسطول كله حوالين الثنايا
بوسايدن : طب وايه اللي هيحصل يعني ، ماحنا مش هنعرف نعدي الثنايا برضه
ذا بلاك ون : بس هنعرف ازاي الشخص ده عدى الثنايا ، وازاي قدر يقف قصادك ويسرق منك حجر الديمنترا
بوسايدن : حاضر يا جلالة الملك
ذا بلاك ون : وانت يا هايدس
هايدس : تحت امرك يا جلالة الملك
ذا بلاك ون : جهز جيش الموتى ، انا عايز جيش ملك القوة القديم يرجع تاني
هايدس بقلق : بس جلالتك مجهزتش الجيش ده من ساعة اللي حصل
ذا بلاك ون : قصدك من بعد الخسارة بتعتنا ، بس المرادي اللي هزمنا مش معاهم ، وانا مش هسمح ليكم اننا نخسر تاني
ليشي : طب وهندخل العالم بتعهم ده ازاي
ذا بلاك ون : انا عارف انها صعبه ، وهتكون سبب موت حد فينا ، بس هنخترق الثنايا يعني هنخترقها





في العالم رقم صفر

بيظهر تيريون ومعاه تشارلي والفهد ومستر سنو ومونيكا ، في العالم رقم صفر وبيكون عالم مشوه ومفيش عليه حياة ، وبيظهر من خلاله اندماج كل العوالم في نقطة واحده

تيريون : ايه ده ، هو ده العالم رقم صفر
تشارلي : بقى هو ده العالم الذهبي اللي كل الاساطير بتقول عليه
مونيكا : هنلاقي الفرعون ازاي يا مستر سنو
سنو : المكان اللي في البلورة بيقول ان ده المكان اللي فيه الفرعون
الفهد بيقاطعهم : مفيش حد في العالم ده كله ، انا عملت تعويذة تحديد المكان وملقتش مخلوق واحد عايش في العالم ده
تيريون : طب وهنعمل ايه بقى
سنو : يبقى ندور عليه في كل العالم ده ، انتو مش شايفين عدد الكواكب اللي حوالينا ولا ايه
تيريون : بس ده ممكن ياخد وقت كبير جدا مننا ، ده غير اننا ممكن نعمل عداوات مع سكان الكواكب دي
مونيكا بغضب : يبقى ترجع الحصن ، اللي خايف يروح ، وانا اللي هدور عليه بنفسي ، حتى لو هولع في كل الكواكب دي






داخل البوابه اللي المدير فتحها

اول ما الكيان دخل في البوابه ، فرجع وليد لحالته الطبيعية فورا ، وشاف من وراه مدير أكاديمية السحر

وليد بصدمه : ااانت
المدير : اهدى وهفهمك كل حاجه ، غبت كتير علينا يا فرعون

يتبع



=====================================================================================================

بشكر كل الناس اللي علقت ورحبت برجوعي ، شكرا ليكم ❤️❤️

وتوقعاتكم كالعادة .. مين هو مدير اكاديمية السحر

وهل مونيكا وفرقة الفرعون هيلاقوا الفرعون فعلا ، ولا هيلاكوا مشاكل اكتر

سلااااااااااااااااااااااااااام من الفــــــرعون

=====================================================================================================

الجزء الثالث / عودة الملك

نرجع من الفلاش باك في الزمن الحاضر ( الفرعون كان بيحكي قصته لليلي في الجزء اللي فات)

وليد : بس ياستي هو ده كل اللي اعرفه
ليلي : تعرفه ايه انت جاي عند اهم حته في القصة ومتقولهاش
وليد : اهم حته ازاي
ليلي : انا عايزه اعرف ايه اللي حصل لما مدير الأكاديمية خدك واختفى داخل البوابه الغريبة اللي فتحها
وليد : مش هتصدقيني لو قولتلك
ليلي : جربني يا سيدي
وليد : مش فاكر اللي حصل
ليلي : يعني ايه
وليد : انا اخر حاجه فاكرها اليوم ده لما لوكي فضل يضرب فيا لحد ما فقدت الوعي
ليلي ( بتبصله بخبث ) : يعني هي بقت كده ، طيب اقنعني بقى انت ازاي عرفت تقف قدام بوسايدن ، وازاي اصلا عرفت تخرج من الثنايا وتروح لعالم اديرا ( عالم القوة ) ، وازاي قدرت تفتح بوابه زي ما مدير الأكاديمية فتحها قبل كده
وليد : هحك.....
( ولكن بيقطع كلامهم انذار الطوارئ الخاص بليلي )
ليلي : يادي ام الحظ ، يلا بينا نشوف فيه ايه


عند فرقة الفرعون
( عرفنا في الجزء اللي فات ان الفرقه راحت العالم رقم صفر علشان تدور على الفرعون ، واكتشفنا ان العالم ده موجود فيه كواكب كتير متناثره وبعيده عن بعض ، وهنا الفرقه بدأت تدور على الفرعون على كل الكواكب دي ، كوكب ورا التاني ، ولكن بلا جدوى )

تيريون بقلق : احنا لو فضلنا هنا الناس دي هتتجمع ويحاربونا
سنو : انت عندك حق ، احنا لازم نهدي اللعب
تشارلي بحزن : بس احنا كدا عمرنا ما هنلاقي الفرعون
تيريون : متقلقش يا تشارلي اكيد هنلاقيه ، بس لو فضلنا ندور عليه بالطريقه دي مش هنعرف نكمل وممكن نموت كمان
مونيكا بغضب : لو خايف على نفسك يبقى تمشي وتغور من هنا ، وانت هتتكلم ولا اموتك ( كانت ماسكه واحد من سكان احد الكواكب اللي بيدوروا عليها وبتعذب فيه )
الشخص : اتكلم اقول ايه ، ( وبيصرخ من الالم ) ، انتي عايزه ايه مني
مونيكا : عايزاك تقولي شوفت الشخص ده فين قبل كده ( وبتوريله صورة الفرعون )
الشخص ( بيدقق في الصورة ) : لا مشوفتوش
مونيكا بغضب : يعني ايه مشوفتوش
سنو بجدية : بس بقى كفايه
مونيكا بتبصله بحقد : ماشي ( وبتكسر دراع الراجل )




مقر فرقة ذا ويند
بيدخل وليد وليلي مقر الفرقة وبيلاقوا لوكي وكام محارب بيلبسوا بدلات الحرب بتعتهم
ليلي : هو فيه ايه ، وانتوا بتستعدوا لأيه بالظبط
لوكي : متقلقيش اوي كده ، ده مجرد مجموعه مجرمين بيتنمروا على سكان كوكب في القطاع رقم صفر
وليد : وكلكوا راحين علشان المشكله التافهه دي ، وليه انذار الطوارئ بتاع ليلي ضرب
ليلي : مفيش حاجه اسمها مشكله تافهه ياوليد ، وانت عارف كويس ان اي مشكله لازم اعرفها مهما كانت صغيره
لوكي : خلصنا من الرغي ولا لسه
ليلي : اه خلصنا ، وانا بديك التصريح انك تدخل فورا ، هو مين اللي موجود من المسافرين
مقاتل ١ : موجود ريكون وسولي
ليلي : طيب خدوا ريكون





في سفينة بوسايدون
ليشي : انا مش عارفه الملك اصر ليه اني اكون معاك هنا
بوسايدون : مش فاهم قصدك
ليشي : متلفش وتدور عليا يا بوسي ، احنا عارفين كويس اننا مستحيل نخترق الثنايا دي ، قولي ايه هي خطة الملك
بوسايودن : زيي زيك معرفش حاجه ، بس كل اللي بفكر فيه دلوقتي ازاي الشخص ده هرب كده
ليشي : اه صحيح انت مقولتش لنا الشخص ده هرب ازاي ، اكيد كان معاه واحد من المسافرين بتعهم
بوسايدون : هو فعلا كان معاه واحد منهم ، وكمان كان معاه واحده والظاهر كده انها بتحبه
ليشي : طب هرب ازاي وانت قولتلي انه كان معاك الهيلهاوند
بوسايدون بقلق : الشخص ده كان معاه نفس القوة اللي كانت مع المحارب الزفت الاعظم
ليشي باندهاش : ايييييه ، طب ازاي
بوسايدون : شكل كده المحارب الاعظم ده نقل قوته قبل مايموت
ليشي : تفتكر
بوسايون : اصل مفيش سبب تاني غير كده ، تخيلي معايا كده قوة المسافرين دي جت منين ، دا غير قوة الملك بتعهم دلوقتي والمساعد بتاعه اللي بيفتح بوابات هو كمان ، ده غير الشخص اللي سرق مني حجر الديميترا ( حجر القوة الخاص بيه )
ليشي بتقوم : لا كده فيه حاجه غلط بتحصل ، احنا لازم ندخل عالم هيرا بأي شكل ممكن





على احد الكواكب في العالم رقم صفر
ظهر ريكون ومعاه لوكي وكام محارب تاني في وسط شارع في احد المدن ، وشافوا الشارع والبيوت اللي حواليه بتولع
لوكي : ايه ده هو فيه ايه بالظبط
ريكون بخضه : حاسب يا لوكي ( ونط عليه وفاده من كورة نار كانت هتقتله )

لوكي اتعدل بسرعه وشاف مجموعه من الرجاله بتحاول تسيطر على بنت ، ولكن البنت دي عليها هاله سودا وعماله ترمي كور نار وتحرق في كل البيوت ، وهنا لوكي واللي معاه راحوا عندهم بسرعه

لوكي : هو فيه ايه ، وايه اللي عمل فيها كده
تيريون : متقلقش احنا بنحاول نسيطر عليها ( ايوا ياعزيزي دول فرقة الفرعون ومونيكا خرجت عن السيطره )
ريكون : بتسيطروا عليها ازاي ومحدش حتى بيحاول يقرب منها
تشارلي : ما تهدى يانجم انت وهو ، ماقلك هنسيطر عليها ونمشي من هنا على طول
محارب مع لوكي : انت بتزعق كده ليه ، ماحنا ممكن نسيطر عليها حالا
لوكي : ونسيطر عليها ليه ، دي حرقت وقتلت مواطنين من الكوكب ده ، انا بأمركم انكم تتراجعوا فورا وتسبونا نتصرف معاها
تشارلي ( طلع السيف بتاعه ) : ده عندها ياروح امك
لوكي : انت كده بتقف قدام السلطة الحاكمه ، وده هيؤدي اننا نتصرف معاكم على انكم خونه
تيريون بيطلع الرمح بتاعه : واحنا مش هنسيبك تأذي مونيكا ابدا
لوكي : يبقى انتوا كده مسبتوش ليا غير اننا نقاتلكوا
لوكي بلغه سحرية : ساند اوف اترميس
( ومره واحده الارض اللي تحت فرقة الفرعون بتتحول لبحر من الرمال المتحركه وبتغرقهم كلهم )
ريكون : ايه ده ، اومال عمالين يهددونا ويسحبوا سيو.....
( وقبل ما يكمل كلامه تيريون ظهر من العدم وقطع راسه ، وتشارلي من الناحيه التانيه اتحول لشبح وشق محارب كان مع لوكي )
سنو : خلص يافهد ، صحي مونيكا بسرعه ، لازم نمشي من هنا فورا
( وهنا الفهد ظهر كالعاده داخل العقل الباطن لمونيكا ، ولكنه اتفاجئ بكمية الظلام اللي زادت جدا وكانت بتاكل من النور الباقي لمونيكا ، وهنا فضل يدور عليها كتييير جدا لحد مالقاها قاعده تحت شجره وماسكه صورة الفرعون وبتبكي بشده ، فراح الفهد ليها وقعد جنبها)
الفهد : مستخبيه هنا ليه يا مون
مونيكا : مبقتش قادره اواجه ، مبقتش قادره
الفهد : كلنا يامونيكا ، محدش فينا بقى قادر ، بس لازم نكمل ، لازم نلاقي الفرعون ، وليد مش هيرجع لينا غير بمساعدتنا ليه
مونيكا بتبكي بشده : مبقتش قادره ، مبقتش قادره اعيش من غيره
( ومره واحده الفهد بيتطرد من عقلها الباطن وبيرجع لجسمه من تاني )
سنو : عملت ايه
الفهد بقلق : دي اول مره يحصل كده ، مونيكا حجبتني من عقلها

( ومن الناحية التانيه كان تيريون وتشارلي نازلين فشخ فى لوكي واللي معاه ، ولوكي شاف ان فرصة نجاته ضعيفه فطلب الدعم فورا )




عند قصر مي
نور : شوفتوا رجعنا لطبيعتنا ازاي لما دمرنا عالم الظلام
سلمى : عندك حق فعلا ، دي اول مره من ساعة اللي حصل احس ان فيه حجر ونزل من على صدري
مي : ولسه يابنات ، لازم نكمل المسيره والحلم اللي وليد اخوكم كان بيحلم بيه
غاده : حلم ايه ده ياخلتو
سمر بزعل : كان عايز السلام يعم في العالم كله ، ولازم نحققله الحلم ده
شروق ( بتدخل عليهم ومعاها خيري ) : وعلشان كده احنا محتاجين مساعدتكم
مي : ياااه يشروق اخيرا رجعتي ، ومساعدة ايه اللي عايزنها دي
خيري : شروق رجعت لقسم ألفا يامي ، واحنا محتاجين مساعدتكم علشان نوقف حرب ممكن تهدد العالم كله
سمر بخضه : ايه تاني
خيري : كنا متابعين مجموعه مجرمين في جميع دول العالم ، والمجرمين دول عندهم قدرات سحريه ذيكوا كده ، واتفاجئنا كلنا لما عرفنا ان ليهم علاقه قديمه مع جماعة العنقاء ( بتاعت السلسله الاولى والتانيه )
مي : غريبه دي ، مش حصن ڤيلن فضل وراهم بعد الحرب اللي اتعملت بينهم وموتوا كل الاعضاء الباقيين
شروق : وده فعلا حصل ، بس اللي معملناش حسابه ان يكون فيهم واحد خاين
مي بخضه : يعني ايه
خيري : يعني فيه واحد من حصن ڤيلن كدب علينا كلنا لما قال انه خلص على كل اعضاء الجماعه
نور : ومين الشخص ده
خيري : قبل ما نرمي اي اتهام لازم نتأكد ميه في الميه ، احنا كده ممكن نعمل عداوه مع حصن ڤيلن
( ومره واحده بتظهر مياده ومعاها احمد وكيرا وبيقاطعوا كلامهم )
خيري : ها اتأكدتي
مياده : ملامحه مكنتش باينه المرادي ، بس انا متأكده انه هو اللي ورا الحكايه دي كلها
احمد : انا مكنتش مصدق برضه ، بس لازم نرجع كلنا ونقف قدامهم ، انتو عارفين الجماعه دي لو اتمكنت هتعمل ايه في العالم
سلمى : هيعملوا ايه يعني اكتر من اللي عملوه قبل كده
كيرا بابتسامه سخريه : لا من ناحية هيعملوا فهما هيعملوا وكتييير كمان





عند ذا بلاك ون ( ملك عالم القوة والكون الخارجي )
ذا بلاك : عملت ايه
مساعده : استخلصنا القوه بتعته يا سيدي ، بس للأسف محدش فينا عارف يستعملها ازاي
ذا بلاك : طيب انا عايزها عندي هنا ، واستدعيلي الهيلهاوند والوايلد هانت كلهم
مساعده برعب : فورا يامولاي
ذا بلاك بابتسامة شر : قربت خلاص يا إتش ، هغزي العالم بتاعك وانت مش هتكون موجود علشان تدافع عنه





عند مقر فرقة ذا ويند
ليلي : كمل بقى ياوليد ، ازاي عديت الثنايا وفتحت بوابه زي بتاعت المدير ، وازاي وقفت قدام بوسايدن
وليد : هقولك ، طبعا زي ماحكيتلك قبل كده ان اخر حاجه كنت فاكرها لما لوكي فضل يضرب فيا لحد ما فقدت الوعي ، بعدها فوقت في المستشفى ولقيت المدير واقف معايا

فلاش باك قبل سنتين
المدير : اخيرا فوقت ياوليد ، طال غيابك يابطل
وليد : ااانا ، اانا فيين
المدير : انت في المستشفى ، معلش بقى لوكي ايده تقيله حبتين
وليد افتكر القتال بينهم : اه ، ده كسر ضلوعي
المدير : معلش ، وانت لازم تتمرن علشان ترجع لمستواك ، انت متعرفش كنت عامل ازاي في العالم بتاعك
وليد : هو انت تعرفني
المدير : طبعا اعرفك ، واعرف كل طالب موجود عندي في الأكاديمية ، كنت متابعك في كل حروبك
وليد : وانا بقى كنت جامد زي مابتقول كده
المدير : طبعا كنت قوي ، ولسه قوي على فكره ، بس لازم تتمرن وتخلي جسمك وعضلاتك تفتكر قوتك ، لازم ترجع وتحارب وتفتكر كل حاجه
وليد اتشجع : حاضر ، وانا هنزل ساحة التدريب من دلوقتي
( وبيقوم ناحية الباب وبيفتحه ، ولكن الباب بيفتح على عالم تاني زي المره اللي فاتت وشاف ذا بلاك ون بياكل ارواح البشر وشاف ليشي وهي بتدمر جيش كامل برأس ميدوسا ، وشاف بوسايدون واسطوله وهما بيدمروا العالم كله ، ولكن مره واحده المدير بيقفل الباب بسرعه وبص لوليد برعب )
وليد بيرجف : همما ، ههمم ميين ددول
المدير حضن وليد : متخفش ، هتعرف عنهم كل حاجه ، بس متخفش ، انت أملنا الوحيد يابني

نرجع من الفلاش باك
ليلي : ها وبعدين
وليد : وبعدين ايه ، يعني مش عايزه تسألي مين الناس اللي شوفتهم دول
ليلي : انت عبيط ياض ، ماكلنا عارفين ان دول ملوك عالم القوة
وليد : طيب ياستي خليني اكملك ، من بعدها بقى المدير بنفسه اللي بقى يدربني في العالم الخاص بيه
ليلي بقلق : بقى مدير أكاديمية السحر دربك انت
وليد : زي ماقولتلك كده ، دربني ازاي اقاتل بكل قوة ، ودربني ازاي اعمل بوابة تنقل زيه ، وكمان عرفني على احجار الكوارتز وازاي استعملها ( احجار ملوك القوة )
ليلي : طب و......
( وقطع كلامها انذار الطوارئ الاحمر اللي لابساه على ايدها )
ليلي : غريبه دي اول مره لوكي يضرب الانذار ده ، اكيد فيه مصيبه ، انا لازم اروح فورا ليه
وليد : تحبي اجي معاكي
ليلي : لا مش مستاهله ، لو فيه حاجه مهمه هقولك على طول
( وبتستدعي سولي وبتاخده وتختفي لمكان لوكي )

وهنا الفرعون بص لنفسه في المرايا ، واتكسف من نفسه علشان كدب على ليلي





فلاش باك قبل سنتين ( اللي حصل فعلا )
لما المدير خد الكيان اللي مسيطر على وليد ودخل من البوابه ، وليد رجع لطبيعته فورا ووقف قدام المدير

انا : اانت
المدير : اهدى وهفهمك كل حاجه ، اتأخرت علينا كتير يافرعون
انا : هو ايه اللي حصلي ، وليه فقدت الذاكره لما دخلت العالم ده ، ليه يا أراغون لييييه ( مدير أكاديمية السحر يبقى الملك اراغون يا عزيزي )
اراغون : ده من اثار ختم اوريكالكوس يافرعون ، وكل اللي دخل العالم ده لازم يفقد ذاكرته علشان ميرجعش للعالم بتاعه تاني
انا : ليه
اراغون : علشان لو عرفت الحقيقه اكيد هترجع تاني
انا بسخريه : ليه هخاف يعني ، ولا هموت ، انا طول عمري ماخفت من حاجه ، وحتى الموت كنت برمي نفسي عليه ، بس عمره ماقبلني
اراغون : يعني عايزني اقولك الحقيقه
انا : معدتش فارقه معايا ، احكي يا ارغون ، احكي

اراغون : اولا انت هنا في عالم هيرا ، عالم هيرا ده كان جزء واحد من عالم تاني اسمه اديرا ، الاتنين كانوا كوكب واحد زمان اوي ، كان الخير والفلوس والغنى بيعم الكوكب كله ، الشعب كان مبسوط وعايش في سلام ، وكان عندهم اسطول من السفن بيسافروا بيه لكل الكواكب اللي حواليهم ، وبيتاجروا مع السكان بتعهم والخير بيعم على الكل

انا : ولكن
اراغون بابتسامه : ولكن يا سيدي في يوم من الايام ، نزل نيزك من السما على الكوكب ده قسمه لنصين ، كل نص راح في اتجاه
انا : هو ايه حكايه ام النايزك اللي في كل قصة دي ، وازاي اصلا الكوكب ماتدمرش

اراغون : الحقيقة ان محدش يعرف النيزك اللي وقع على الكوكب ده جاي منين بالظبط ، بس النيزك اللي وقع على العالم رقم صفر ده احنا عارفين سببه كويس بس مش مهم تعرفه دلوقتي ، المهم ان بعد ما الكوكب اتقسم نصين ظهرت احجار الكوارتز و احجار الدارتز ، احجار الكوارتز دي هي احجار القوة وظهرت في عالم اديرا واللي ادت للملوك هناك قوة جباره في الحروب والغزوات اللي عملوها بعد كده ، واحجار الدارتز هي احجار السحر واللي واحد من الاحجار دي يبقى ألماسة الخلود بتاعتنا

انا : ايه ، يعني مصدر السحر في العالم بتعنا هو حجر دارتز

اراغون : بالظبط كده ، المهم ان ملوك القوة شافوا الاحجار السحريه دي وشافوا تأثيرها الواضح ، ودى ادى انهم يطمعوا فيها ويهاجموا اديرا ، وقامت مابينهم حروب كتييييره جدا ، وكل مره كوكب من الكواكب اللي حواليهم يتدمر ، لحد ماظهر المحارب الاعظم واللي كان اسمه اتش ، ووقف قدام ملوك القوة لوحده ، وكان معاه وقتها حجر الديميترا اقوى احجار ملوك القوة ، واثناء المعركة الكبرى مابينهم ، حصل انفجار كبير جدا وده ادى لظهور الثنايا اللي فاصله العالمين عن بعض ، بس فيه حاجه حصلت قبل الانفجار ، ملوك القوة اتجمعوا كلهم في ضربه واحده وضربوا المحارب الاعظم ، ولكن المحارب الاعظم صد الضربه دي بحجر الديميترا وده ادى للأنفجار وظهور الثنايا وحاجه تانيه كمان

انا : ايه

اراغون : فيه حته اتكسرت من حجر الديميترا ونزل زي النيازك في كل الكواكب المجاوره لينا ، وهو ده اللي جاب السحر للعالم رقم صفر
انا : يعني قصدك ان السحر اللي موجود في العالم بتاعنا ده بسبب المعركه دي
اراغون : مش بس كده ، فاكر الديمنتور اللي كان ملك عالم الظلام وكان مستعبد بيغاسوس ، اهو الديمنتور ده مجرد حته صغيره من ذا بلاك ون ملك عالم القوة
انا بخضه : اييييه ، اومال قوته بقى الحقيقة عامله ازاي
اراغون : تخيل انت بقى ، ذا بلاك ون لو اخترق الثنايا دي يبقى نهاية عالم هيرا والعالم بتعنا
انا : يعني ايه ، واحنا مالنا بعالم هيرا
اراغون : يابني افهمني ، كل العوالم الموازيه مربوطه ببعض ، وكلهم متصلين بشكل مباشر بالعالم رقم صفر ، والعالم رقم صفر ده عباره عن كوكب موجود داخل الثنايا اللي هو عالم هيرا
انا : يعني لو اي حاجه حصلت للعالم رقم صفر ممكن تدمر كل العوالم الموازيه
اراغون : مش العوالم الموازيه بتاعتنا بس ، لا ، كل العوالم بتاعت المحاربين اللي موجودين في هيرا ، يعني اكتر من مليون عالم ممكن يتدمروا بمجرد اختراق ذا بلاك ون للثنايا
انا : يعني دلوقتي فيه بلايين الارواح متعلقه في رقبتنا كلنا ، طب وانت بتقولي كل الكلام ده ليه دلوقتي ، مزي مانت بتقول الثنايا دي موجوده من زمن فات ، ايه اللي جد
اراغون : اللي جد ان بلاك ون عمل مجموعة من الصيادين اسمهم الوايلدهانت وقائدهم اسمه الهيلهاوند ، ودول بيحجبوا قدرة المسافرين الاوائل ، اللي هما الوحيدين اللي بيقدروا يعدوا الثنايا
انا بقلق : يعني قصدك انهم ممكن يمسكوا حد منهم ويجبروه انه ينقلهم لهنا
اراغون : او اسوء ، ممكن ياخدوا القوه بتعته وييجوا عندنا هنا
انا : طب وليه المسافرين دول بيروحوا عندهم اصلا
اراغون : علشان يتجسسوا عليهم ويشوفوا ايه اخر المستجدات هناك ، يعني يعرفوا هل لقوا حاجه ممكن يخترقوا بيها الثنايا ولا لا
انا : طب وليه مفيش ناس تانيه محترفه هي اللي تروح
اراغون : مفيش حد ممكن يعمل كده ( وبيبتسم ) لحد مانت جيت يافرعون
انا : يعني ايه ، عايزني اتجسس عليهم
اراغون : مش بس كده ، انا عايزك تسرق احجار القوة بتعتهم
انا بفكر : وانا موافق ، بس انا عندي استفسار
اراغون : ايوا مش هتفتكر كلامنا هنا اول ماترجع لهيرا تاني
انا : اومال هنفذ الخطه ازاي
اراغون : متقلقش انا هدربك بنفسي لحد ماتوصل لنفس مستواك حاليا

نرجع من الفلاش باك
(بيفوق وليد على إنذار الطوارئ بتاعه وبيعرف ان ليلي بتطلب مساعدته ، فبيفتح بوابه وبيروح على هناك )





عند فرقة الفرعون
مستر سنو والفهد عمالين يحاولوا يضربوا مونيكا علشان تفقد الوعي بس مش عارفين ، والناحية التانيه تيريون وتشارلي نازلين فشخ في لوكي واللي معاه لحد ما ليلي ظهرت وكان سولي معاها

ليلي : فيه ايه يا لوكي ، ومين دول
لوكي بينهج : مش عارف ، حاسبي يا ليلي ( وبيفاديها من ضربة تشارلي )
ليلي بلغة السحر : فريزيان إلوري

وبيطلع من الارض سلاسل نور وبتمسك تيريون ، وبتحاول تمسك تشارلي بس عدت منه اكنه هوا ، وتيريون بيختفي والسلاسل بتنزل الارض تاني

لوكي : مين دول وازاي التعاويذ بتعتنا مش مأثره فيهم
ليلي : لازم نوقفهم قبل ماحد تاني يتأذي
تيريون من بعيد : كل اللي احنا عايزينه انكم تسيبونا نهدي مونيكا وناخدها ونرجع للعالم بتعنا
سولي من ورا ليلي : ايه ده ، ايه اللي جابك هنا ياتيريون ، احنا مش اتفقنا انك مش هتيجي العالم بتعنا
ليلي : انت تعرفهم يا سولي
تيريون : انت بتعمل ايه هنا ، هو العالم رقم صفر بتاعك ازاي
لوكي : حد يفهمنا فيه ايه
سولي : ده كان المفروض انه يكون احدث عضو في جماعة المسافرين بس هو رفض انه ينضم لينا
تشارلي : مين دول ياتيريون ، وايه موضوع المسافرين ده
ليلي : وبتعملوا ايه هنا بقى
سنو بيزعق : بااااااس كفايه اسئلة ، البت هتموتنا

وفعلا مونيكا عملت موجة جاذبية عملاقه وطيرتهم في السما ، ونزل عليها برق من السما وضربتهم بيه ، وهنا ليلي عملت عليها درع وصدت الضربه ، ونزلت عليها بسرعه بالسيف بتعها ولكن السيف ساح اول ما لمس الهاله السودا اللي على مونيكا ، وطيرت ليلي لأخر الشارع ، وهنا ليلي افتكرت وليد لما اتحول قبل كده وضربت انذار الطوارئ بتاعه

وهنا وليد خرج من البوابه ببطئ ( بدخول درامي )

تيريون : الفرعووووون
تشارلي : اخويااااا
الفهد : يافرعوووووون
سنو : الملك رجع يا عالم ، الملك رجعععع

ولكن عند الفرعون كان فاصل عند الدنيا كلها ، مش شايف قدامه غير البنت اللي بتظهر في احلامه على طول ، مش شايف غير البنت ذات الشعر الفضي ، مش شايف غير مونيكا

ركض الفرعون بخطوات متسارعه والدموع تنهمر من عينيه ، ومن الناحية الاخرى مونيكا رأت قلبها يركض مسرعا عائدا لها ، فأسرعت نحوه كالبرق ، بينهما مسافة قصيره ولكنها لا تصغر بكل الركض ، تعلو مونيكا بالصياح ( فروعنيييي ) ، ووليد لا يعلم من هي ولكن يصيح بأعلى صوته ( موووووون ) ، يتلامس الاثنين بعد سنين طويله ، تدخل في حضنه الفتاه ذات الشعر الفضي والدموع تتساقط من عينيها ، يأخذ شفتيها في قبله قد نسي طعمها ، وفجأة اختفوا الاثنين من الوجود ، والكل واقف مذهول

يتبع

====================================================================================================

شكرا لكل الناس اللي بتسأل عليا دايما ❤️❤️❤️❤️
طبعا محدش عرف يتوقع مين هو مدير أكاديمية السحر ، لعبتها صح المرادي 😂😂

عايز توقعاتكم كالعاده ، مين هو الخاين اللي موجود في حصن فيلن
وهل الذاكره رجعت للفرعون فعلا ولا
وهل هيكون فيه تعاون مابين فرقة الفرعون وفرقة ذاويند
انتظروا معارك وحروب واكشن في الاجزاء القادمة

سلااااام من الفرعووووووون
====================================================================================================

هايل احداث جميله جدا